Lajme

Lufta në Ukrainë, Papa Françesku: Krim kundër Zotit dhe njerëzimit

Autori: Gazeta inFokus 20:06 | 09 January 2023

Papa Françesku e ka krahasuar luftën në Ukrainë me një “krim kundër Zotit dhe kundër njerëzimit”, duke bërë thirrje edhe një herë për t’i dhënë fund konfliktit.

Duke folur gjatë një fjalimi para trupit diplomatik në Vatikan të hënën, Papa tha se konfliktet si lufta në Ukrainë me “vdekjen dhe shkatërrimin” e saj dhe “sulmet ndaj infrastrukturës civile” janë të ngjashme me krimet “kundër Zotit dhe njerëzimit”.

“Sot, ndihem i detyruar të rinovoj apelin tim për një fund të menjëhershëm të këtij konflikti të pakuptimtë, efektet e të cilit ndihen në rajone të tëra, edhe jashtë Evropës, për shkak të pasojave të tij në fushat e prodhimit të energjisë dhe ushqimit, mbi të gjitha në Afrikë dhe në Lindjen e Mesme”, theksoi ai.

-Advertisement-

Ai gjithashtu foli mbi efektin e luftës në Ukrainë e cila sipas tij ka ndikuar tek “më të brishtët; fëmijët, të moshuarit e invalidët”, duke thënë se është “lënë një gjurmë e pashlyeshme në familje”. /Abc news

Subscribe në YouTube: GAZETA INFOKUSI
Comodita Home dhe Prince Caffe: Sponsor të përgjithshëm të Sunny Hill Festival
-Advertisement-

Të tjera

Fokusi

lajme