Lajme

Ligji për Byronë për Konfiskimin e Pasurisë, Haxhiu tregon të rejat e fundit

Autori: Gazeta inFokus 11:32 | 03 September 2024

Ministrja e Drejtësisë, Albulena Haxhiu, ka thënë se pas aktygjykimit të Gjykatës Kushtetuese, ligji për Byronë për Konfiskimin e Pasurisë së Pajustifikueshme do t’i pësojë ndryshimet e kërkuara.

“Ne nuk kemi draftuar një ligj të ri, pas aktygjykimit të Gjykatës Kushtetuese s’kemi pasur nevojë, por kemi adresuar katër çështje të cilat janë konsideruar në kundërshtim me Kushtetën”, ka thënë Haxhiu teksa ka përmendur katër pikat.

Një nga pikat ka qenë edhe qartësimi për periudhën kohore legjitime për verifikimin e pasurisë për zyrtarët shtetëror.

-Advertisement-

“Nëse një zyrtar sot e përfundon mandatin, Byroja edhe 5 vite të tjera pas përfundimit të mandatit, të nis verifikimin e pasurisë së tij apo saj”,

Haxhiu ka thënë se konfiskimi civil është kushtetues si dhe instrument legjitim për luftimin e korrupsionit. Tutje ka kërkuar edhe përkrahjen në Kuvendin e Kosovës.

“Pas ndryshimeve që kemi bërë në draft ligjin për Byronë për Konfiskimin e Pasurisë së Pajustifikueshme, është tejet e rëndësishme të kemi përkrahjen e grupeve parlamentare në Kuvendin e Kosovës”, ka thënë ajo.

Subscribe në YouTube: GAZETA INFOKUSI