Lajme

PDK-ja i reagon Brestovcit për mbeturinat: Kanë qëllim falimentimin e ndërmarrjes publike

Autori: Gazeta inFokus 12:08 | 15 September 2024

Shefi i asamblistëve të PDK-së në Komunën e Prishtinës, Leutrim Retokoceri ka reaguar ndaj akuzave të drejtorit të Shërbimeve Publike në Kryeqytet, Bekim Brestovci për mbeturinat në Prishtinë.

Ai ka thënë se po qëllimi i udhëheqsve aktual për menaxhimin e mbeturinave është falimentimi i kompanisë publike KRM “Pastrimi”.

“Interesi publik mbi të gjitha! Kuvendi i Kryeqytetit i tha po mbrojtjes së ndërmarrjes publike, duke kryer detyrën që ka për ta ndihmuar ardhjen e pjesës së parë financiare prej 24.1 milionë euro nga total 70 milionë sa janë zotuar nga qeveria gjermane dhe BE për menaxhimin e mbeturinave në kryeqytet”.

-Advertisement-

“Ata që qeverisin sot me Prishtinën e me menaxhimin e mbeturinave që kanë qëllim falimentimin e ndërmarrjes publike KRM “Pastrimi” dhe janë të lidhur ngushtë me kompani private që i shpërblyen me miliona euro dhe kontrata njëburimore kanë arsye të shqetësohen, sepse as 24.1 milionë euro e as 70 milionë nuk do të mund t’i manipulojnë dhe t’ua shpërndajnë kompanive të ‘dostave’” – ka shkruar ai në Facebook.

Subscribe në YouTube: GAZETA INFOKUSI
Rëndësia e komunikimit efektiv midis Familjes dhe Kopshtit
-Advertisement-

Të tjera

Fokusi

lajme