Rozë

“Lajkatarët duken si shokë”/ Arjola i kundërpërgjigjet Fifit pasi tha se i ka bërë bllok: Mos e nënvlerëso një…

Autori: Gazeta inFokus 12:07 | 25 April 2022

Ditën e djeshme, Fifi ka bërë disa deklarata të forta në drejtim të aktores së njohur, Arjola Demiri. Këngëtarja e dashur për publikun u shpreh se ish-banorja e “Big Brother Vip” i ka bërë bllok në rrjetet sociale, madje i tha Monika Lubonjës se “në ditëlindjen e saj kishte njerëz të padëshiruar”.

Arjola duket se i është kundërpërgjigjur këngëtares përmes një statusi në “Instastory” menjëherë pas deklaratës së Fifit, duke shkruar se “lajkatarët duken si shokë” ku shtoi se kurrë s’duhet nënvlerësuar fuqia e një gruaje “Alfa”.

“Lajkatarët duken si shokë, ashtu siç duken ujqërit si qentë. Kurrë mos e nënvlerëso fuqinë e një gruaje Alfa”, shkruan Arjola krahas një foto të saj ku shfaqet e veshur me një fustan të bardhë.

Megjithëse aktorja nuk ka specifikuar diçka tjetër në postimin e bërë, kjo është konsideruar nga ndjekësit si kundërpërgjigje ndaj Fifi, për deklaratat e bëra ditën e djeshme.

Deklarata e Fifit nisi nga një rreng, i mikeshës së saj më të mirë, Monika Lubonjës. E ftuar në “E Diell”, Lubonja mori në telefon i tha se Fifi ka folur keq për të pas krahëve. Këngëtarja gjatë gjithë kohës i kërkoi aktores të dijë se çfarë ka dëgjuar, por më tej i thanë asaj që është vetëm një lojë.

Mirëpo, në fund të telefonatës Fifi bën deklaratën që askush nuk e priste. Këngëtarja tregoi se aktorja e humorit, Arjola Demiri i ka bërë bllok në “Instagram”.