Lajme

Kurti thotë se nuk është e vërtete se është duke i prishur marrëdhëniet me ndërkombëtaret

Autori: Gazeta inFokus 11:17 | 05 March 2024

Kryeministri i Kosovës Albin Kurti, ka thënë se nuk janë të vërteta akuzat që ai është duke i prishur marrëdhëniet me aleatët, pas zhvillimeve të fundit sa i përket hyrjes në fuqi të rregullores së BQK-së e që lidhte me dinarin serb.

Ai këto deklarime i bëri gjatë ceremonisë inauguruese të objektit të ri të Departamentit për Prodhimin e Dokumenteve, i cili funksionon në kuadër të Agjencisë për Regjistrim Civi.

Ai u pyet sa i përket akuzave te oponentëve politike, të cilët janë duke akuzuar Kurtin se është duke i bërë dëm të madh Kosovës e duke përkeqësuar raportet me ndërkombëtaret.

-Advertisement-

Kësaj pyetje, Kurti iu përgjigj shkurt: “Nuk është e vërtet”, tha ai.

Sa i përket çështjes së dinarit, Shtetet e Bashkuara të Amerikës por edhe Bashkimi Evropian, kanë qenë të përbashkuar në kritikën ndaj Qeverisë Kurti, duke kërkuar që vendimi i BQK-së të shtyhet.

ShBA-ja, aleati më i besuar i kosovarëve, në disa raste e ka shprehur publikisht kritikën ndaj Qeverisë së Kosovës, ambasadori amerikan në Prishtinë, Jeff Hovenier, përveç kritikave, kishte edhe një paralajmërim për mundësinë e tensionimit etnik.

Në lidhje me rregulloren e BQK-së, janë mbajtur diskutime edhe në Bruksel ndërmjet delegacionit të lartë të Kosovës dhe Serbisë.

Subscribe në YouTube: GAZETA INFOKUSI
Etiketa:
Edicioni i 6-të i Garage Sale sjell zbritje të madhe në Comodita Home!
-Advertisement-

Të tjera

Fokusi

lajme