Kurti: Me 18 gusht, ia bëra të qartë Borrellit dhe Vuçiqit se Kosova s’pranon dialog që s’është për njohje reciproke
Autori: Gazeta inFokus 14:03 | 13 February 2023
Kuvendi i Kosovës sot është duke mbajtur debat parlamentar për dialogun mes Kosovës dhe Serbisë. Në nisje të këtij debati, fjalën e ka marrë kryeministri Kurti.
“Qeveria e Republikës së Kosovës e ka ndërtuar qasjen e saj strategjike përballë dialogut, të lehtësuar nga BE mbi bazën e dy qëllimeve fillestare: 1, ndërprerjen e praktikës së përfshirjes së çdo cështje potencialisht kontestuese mes dy palëve në fushëveprimin e dialogut, qëndirmi ynë ishte maksimumi që mund të diskutohej në Bruksel ishin problemet e zbatueshmërisë së marrëveshjeve ekzisutese, pra atyre të nënshkruara para ardhjes në Qeveri dhe 2. Hapja e kapitullit të një procesi të bisedimeve për ndërtimin e raporteve të jashtme të fqinjësisë së mirë, parimeve të së drejtës ndërkombëtare si dy shtete të pavarura që e bazonin marrëdhënien e tyre mbi premisën e njohjes së dyanshme të shtetësisë”, tha ai.
Kurti foli edhe për takimin e 18 gushtit, që sipas tij, ka qenë rezultat i presionit të Qeverisë që ai udhëheq. Ai tha se ia ka bërë të “qartë” Borrellit e Vuçiqit që Kosova nuk do të pranojë dialog që nuk është për marrëveshje përfundimtare mbi njohjen e ndërsjellë.
“Takimi i datës 18 gusht ishte qarazi rezultat direkt i presionit të qeverisë sonë që dialogu të kalojë në fazën e rregullimit ndërkombëtar të marrëdhënies ndërmjet Kosovës dhe Serbisë të përqendruar në njohje reciroke, e të bazuar në të drejtën ndërkombëtare, e jo në çështje të brendshme sic ishte praktika e mëhershme para ardhjes sonë në Qeveri… pra jo dialog për dialog, jo dialog për menaxhim krize. Në takimin e 18 gushtit ia bëra të qartë Borrellit dhe Vuçiqit që Kosova nuk do të pranojë dialog që nuk është për një marrëveshje përfundimtare mbi njohjen e ndërsjelltë. Edhe pse takimi përfundoi pa ndonjë rezultat specifik në planin bilateral, ai e dha efektin e tij të menjëhershëm e kjo është vizita e emisarëve më 9 shtator, apo prezantimi i planit franko-gjerman”, deklaroi Kurti.
Kurti tregoi edhe se çka i kërkoi Lajçak atij.
“Emisari dhe lehtësuesi i dialogut më kërkuan që t’i respektojë dy parime procedurale, përderisa nuk ka qartësim nga të dyja palët për ecje përpara: 1. Respektimi i konfidencialitetit të dokumentit të propozuar nga ta, derisa të ketë avancim të procesit negociator; 2. Që ta konsideroja atë seriozisht, sepse mospranimi i tij do të ndikonte seriozisht në raportet e Kosovës me shtetet sponsorizuese… Propozimi frankogjerman e konsiderova me kujdes, pas një analize të thelluar konstatova që porpozimi ngërthen karakteristikat në vijim: Propozimi bazohet në modelin gjermano-gjerman dhe të shumë modeleve tjera të njohjes defakto, p.sh. marrëveshja Japoni- Koreja Jugore; propozimi ngërthente në vëtë pranimin nga palët e parimit të barazisë në sistemin ndërkombëtar, i cili është parimi kyc i Kartës së Kombeve të Bashkuara; propozimi përcakton njohjen nga palët e parimeve të barazisë së sovarënve, integritetin territorial, zgjidhjen paqësore të konflikteve në marrëdhënies mes Kosovës dhe Serbisë; Propozimi përfshinte heqjen dorë të Serbisë nga pengimi i anëtarësimit të Kosovës në çdo organizatë ndërkombëtare; propozimi përfshinte njohjen e palëve ndaj njëra-tjetrës të së drejtës së përfaqësimit shtetëror në terrenin e marrëdhënieve ndërkomëtare; propozimi përfshinte shkëmbimin e zyreve të përhershme diplomatike, në formën e legatëve, që janë ambasada faktike; propozimi përmbante normën e njohjes së dokumenteve shtetërore; propozimi përmbante edhe dy norma që lidheshin me të drejtat e serbëve, e para që do të ketë një të drejtë të vetmenaxhimit në përputhje me instrumentet e Këshillit të Evropës dhe formalizimi i statusit të kishës ortodoske serbe, gjë që e kemi bërë; parashihte rregullin që të gjitha marrëveshjet e Brukselit të zbatohen nga dy palët”, tha ai.
Të tjera
-
Morën mijëra euro nga buxheti pa kryer asnjë punë, pas katër vitesh qeveria Kurti shpërbënë ndërmarrjen NKEC
Qeveria e Kosovës në mbledhjen e mbajtur sot ka marrë vendim që ta shpërbëjë ...
-
Sami Kurteshi lirohet nga akuza për sulm ndaj zyrtarit të KQZ-së
Anëtari i Lëvizjes Vetëvendosje në Komisionin Qendror të Zgjedhjeve (KQZ), Sa...
-
Miratohet nisma për lidhjen e Marrëveshjes për Sigurime Sociale me Turqinë
Qeveria e Kosovës në mbledhjen e mbajtur sot e ka miratuar Nismën për lidhjen...
-
Haradinaj kujton të rënët e 21 majit 1998
Kryetari i Aleancës për Ardhmërinë e Kosovës, Ramush Haradinaj, ka kujtuar të...
-
Shtyhet për dy vite afati i zbatimit të Marrëveshjes IPA
Qeveria e Kosovës në mbledhje ka miratuar Projektligjin për ratifikimin e Ame...
-
Daçiq: Perëndimi po ushtron presion mbi vendet që mund të mbështesin rezolutën për Srebrenicën
Ministri i Brendshëm i Serbisë, Ivica Daçiq tha sot se Perëndimi po ushtron s...
-
Pranimi në KiE “mund ta ketë fatin si liberalizimi i vizave”
Nëse Kosova nuk bën hapa të menjëhershëm drejt formimit të Asociacionit të ko...
-
Në Has hapet rruga që lidh Kosovën me Shqipërinë
Kryeministri i Shqipërisë, Edi Rama, ka njoftuar se është hapur rruga që lidh...
-
Kurti godet gjyqësorin për arratisjen e Enver Sekiraqës: Dështim, reforma në drejtësi urgjencë kombëtare
Kryeministri Albin Kurti e ka nisur mbledhjen e sotme të Qeverisë, duke folur...
-
Kërkohet paraburgim ndaj të dyshuarit që vodhi para në Graçanicë e Uglarë
Prokuroria Themelore në Prishtinë njofton se ka kërkuar caktimin e masës së p...
-
Tahiri: Në vend së të ishte kryeministër i lekut, Kurti po bëhet ‘kryeministër i dinarit’
Ish-zëvendëskryeministrja e Kosovës, Edita Tahiri, e ka quajtur Albin Kurti “...
-
Gjermani, fillon gjyqi ndaj princitt, dyshohet si terrorist
Gjatë së martës fillon gjyqi ndaj fisnikut dhe princit të vetëshpallur, Heinr...