Lajme

Kërkohet paraburgim ndaj të dyshuarit që vodhi para në Graçanicë e Uglarë

Autori: Gazeta inFokus 10:40 | 21 Maj 2024

Prokuroria Themelore në Prishtinë njofton se ka kërkuar caktimin e masës së paraburgimit ndaj të pandehurit B.G., i cili është ndaluar me urdhër të prokurorit më 19 maj 2024.

Ai dyshohet se të dielën rreth orës 00:30 në Graçanicë, konkretisht në një autolarje, në bashkëkryerje me një të mitur (i cili gjendet në arrati), kanë hapur me forcë aparatet e autolarjes dhe nga aty kanë marrë para metalike në vlerë prej 500 eurosh.

Po ashtu, në ditën e njëjtë, i pandehuri i lartcekur në bashkëkryerje me të miturin, në fshatin Uglarë kanë hapur me forcë bankomatin që shërben për këmbimin e parave nga ato të letrës në ato të metalta, si dhe kanë hapur të gjitha arkat e tjera dhe nga aty kanë marrë para në vlerë prej 3600 euro, e më pastaj me taksi janë larguar nga vendi i ngjarjes.

-Advertisement-

Me këto veprime kanë kryer veprën penale “Vjedhja e rëndë”, sipas KPRK-së.

Po ashtu bëhet e ditur se i pandehuri B.G., dyshohet se ka kryer veprën penale “Mbajtja në pronësi, kontroll ose posedim të paautorizuar të armëve” dhe “Posedimi i paautorizuar i narkotikëve, substancave psikotrope ose analoge”.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy