Sport

Kuqezinjët të motivuar për të fituar të dy trofetë

Autori: Gazeta inFokus 19:37 | 13 Mars 2018

Të entuziazmuar me ecurinë pozitive në kuadër të kampionatit dhe Kupës së Maqedonisë, futbollistët kuqezi me optimizëm presin përballjen e parë të gjysëmfinales të mërkurën me Renovën, shkruan infokusi.

Mesfushori Armend Alimi beson se ekipi do të shfrytëzojë momentin e mirë për të marrë rezultat pozitiv përballë Renovës në rrugën drejt finales së tretë të njëpasnjëshme.

“Na pret ndeshje ndryshe nga ato kampionale. Jemi të motivuar nga fakti se duam dy titujt në Maqedoni. Shpresoj të vazhdojmë me serinë e fitoreve dhe paraqitjeve si deri tani. Epërsia në kampionat na heq presionin, por shikojmë të vazhdojmë me këtë rritëm. Është derbi lokal, por ne duam më të mirën dhe besoj t’i arrijmë qëllimit”, shprehet Alimi para ndeshjes me Renovën. /infokusi.com

-Advertisement-