Rajoni dhe Bota

Kroaci, Plenkoviç: Situata e COVID-19, serioze

Autori: Gazeta inFokus 21:32 | 22 October 2020

Situata shëndetësore e COVID-19 në Kroaci është serioze, paralajmëroi sot qeveria, duke dënuar sjelljet e papërgjegjshme në vend.

“Kemi një rekord të ri ditor. Kjo dëshmon rëndimin e situatës”, deklaroi kryeministri kroat Andrej Plenkoviç, gjatë një seance të kabinetit të tij, raporton ATSh.

Vendi me 4,2 milionë banorë ka regjistruar 1 563 raste të reja (gati 30 000 në total) dhe 13 vdekje të reja (406 në total), në 24 orët e fundit.

-Advertisement-

Pothuajse gjysma e rasteve të reja të infektimit u regjistruan në Zagreb.

Plenkovic u bëri thirrje bashkëqytetarëve të tij të jenë të përgjegjshëm, ndërsa ministri i tij i Shëndetësisë, Vili Beros, shprehu keqardhje për numrin e madh të mikrovatrave të sëmundjes dhe paralajmëroi kundër sjelljeve të papërgjegjshme.

Vënia e një maske është e detyrueshme që nga mesi i tetorit në hapësira të mbyllura, në të gjithë vendin, si edhe në mjediset e jashtme në Zagreb, kur distancimi social nuk mund të respektohet.

Baret dhe restorantet duhet të mbyllen në mesnatë.

Subscribe në YouTube: GAZETA INFOKUSI
Vrasja e Lulzim Fejzullahut, vjen reagimi i parë nga ministrja Haxhiu

Të tjera

Fokusi

rajoni-dhe-bota