Krejt çka ndodhi dje në veri – Detaje ekskluzive nga arrestimet, vrasjet dhe qëllimi i bandës terroriste
![](https://gazetainfokus.com/wp-content/uploads/2023/09/Ballina-13.jpg)
Autori: Gazeta inFokus
10:49 | 25 September 2023
Mëngjesin e së dielës Kosova u zgjua me lajmin e tronditës se në veri të vendit konkretisht në Leposaviq ishte sulmuar Policia e Kosovës dhe kishte mbetur i vrarë, polici Afrim Bunjaku nga banda të armatosura terroriste.
Një polic tjetër mbeti i lënduar derisa është jashtë rrezikut për jetën dhe po trajtohet në Qendrën Klinike Universitare të Kosovës.
Sulmi nisi në Banjskë të Zveçanit rreth orës 03:00 të mëngjesit dhe përfundoi në Manastir të këtij fshati, shkruan Gazeta Infokus.
Sipas informacioneve zyrtare të fundit që u dhanë dje nga Policia u tha se janë vrarë 3 terroristë, janë arrestuar dy të tjerë dhe janë ndalur katër që po dyshohet se kanë pasur komunikim të vazhdueshëm me bandën kriminale të cilëve u janë gjetur edhe radiolidhje.
Derisa në stacionin e policisë u morën edhe 49 (shifër jo zyrtare) pelegrinë, që dolën nga manastiri Banjskës.
Policia e Kosovës gjatë ditës kishte dërguar në stacionin policor në jug 49 pelegrinë të cilëve do të iu bëhej testi për gjurmë të armëve, nëse ata kanë përdorur armatim gjatë sulmeve të sotme ndaj Policisë së Kosovës.
Gazeta Infokus nga burime të saj mëson se në mesin e të arrestuarve disa persona dyshohet se ishin në grupin terrorist por i zhveshën uniformat dhe u kamufluan me pjesën e pelegrinëve.
Infokusi raportoi ekskluzivisht për arrestime, pamje të terroristëve të vrarë e dha detaje se çfarë u gjet në manastir pasi policia e Kosovës mori nën kontroll këtë hapësirë.
Arrestimet, vrasjet
Sipas informacioneve zyrtare të fundit që u dhanë dje nga Policia u tha se janë vrarë 3 terroristë, janë arrestuar dy të tjerë dhe janë ndalur katër që po dyshohet se kanë pasur komunikim të vazhdueshëm me bandën kriminale.
Gazeta Infokus po ashtu siguroi pamje të terroristit të dytë që u qëllua me snajper në kokë nga njësitë speciale të Policisë së Kosovës.
Çfarë u konfiskua në Manastirin e Banjskës?
Banda terroriste që sulmoi policinë e Kosovës ishte e përgatitur dhe e armatosur me armë të rënda të llojeve të ndryshme e mjete të tjera.
Policia në një njoftim zyrtar treguan se sipas informacioneve fillestare bëhet fjalë për gjetjen e dhjetëra, qindra armëve të llojeve dhe kalibrave të ndryshëm, uniforma dhe pajisje logjistike, përfshirë armë ushtarake të kalibrit të rëndë si granata, zolla, mitralozë, kallashnikov.
Ndërsa burime brenda policisë së Kosovës kanë thënë për Gazetën Infokus se në manastir banda kriminale kishte edhe dron të përgatitur me eksplozivë, të gatshëm për tu përdorur.
Sipas këtij automjetet kanë qene te mbushura me zolla, mitraloze, kallashnikove granata dore e armë të tjera.
Detaje ekskluzive: Në arsenalin e armëve në manastir u gjetën edhe dron të përgatitur me eksplozivë
Sulmi i djeshëm ishte i organizuar dhe i qëllimshëm. Kështu deklaruan zyrtarë të lartë ndërkombëtare e edhe kryesues të institucioneve shtetëore të Kosovës.
Kryeministri i Kosovës, Albin Kurti në një konferencë për media deklaroi se bëhet fjalë për një formacion të organizuar profesional dhe që përbehej prej 30 personave duke kërkuar dorëzimin e tyre.
“Bëhet fjalë për formacion të organizuar, është i armatosur. Janë formacion profesional, janë mbi 30 individë që ka hyrë në Kosovë dhe perimetri është i vendosur rrotull vendndodhjes së tyre. Pak para orës 3 të mëngjesit, policia ka parë dy kamionë në urën në Zveçan, me bateri ndriçimi kanë parë që dera e njërit kamion është e hapur, ndërkaq një kamion tjetër ka diçka prej dritave ndezur. Përveçse ka bllokuar qarkullimin, ka qenë një lloj përpjekje për të krijuar përshtypjen se bëhet fjalë për kontrabandë. Me këtë rast kanë ardhur nga Zveçan edhe 10 automjete me polic kur e kanë pësuar sulmin. Afrim Bunjaku është rreshter i policisë së rendit. Ky është sulm kriminal dhe terrorist. Kanë ardhur të luftojnë, të destabilizojnë. Kërkoj të dorëzohen”, tha Kurti.
Gazeta Infokus mëson se kjo bandë që sipas Kurtit përbëhej nga 30 persona, kishte për qëllim të zinte pozicione në veri dhe të mobilizonte edhe bandat lokale në këtë pjesë.
E përveç Policisë së Kosovës, i gatshëm për intervenim ishte shprehur edhe Misioni i NATO-s në Kosovë, KFOR.
Pikat kufitare në Bërnjak dhe Jarinjë u mbyllën pas zhvillimeve të fundit në veri.
Reagimet ndaj këtij sulmi kundrejt shtetit të Kosovës në pjesën veriore, kishte nga të gjitha anët, ndërsa ngjarjet në veri ishin kryefjalë edhe në mediat ndërkombëtare. Natryisht i menjëhershëm ishte reagimi i Ambasadës se Shteteve të Bashkuara të Amerikës në Kosovë, të cilët dënuan ashpër sulmet e orkestruara dhe të dhunshme ndaj Policisë së Kosovës.
“Policia e Kosovës ka legjitimitet të plotë për të garantuar sundimin e ligjit, në përputhje me Kushtetutën dhe ligjet e Kosovës. Ne e pranojmë dhe respektojmë rolin e saj si përgjigja e parë ndaj emergjencave dhe situatave të krizës. Ne vlerësojmë koordinimin e vazhdueshëm ndërmjet Policisë së Kosovës, Misionit të BE-së për Sundimin e Ligjit në Kosovë dhe Forcës së NATO-s në Kosovë (KFOR), sipas rastit”, thuhej në reagimin e Ambasadës.
Ndërsa, Presidentja e Republikës së Kosovës, Vjosa Osmani, në mbështetje të Kushtetutës së Kosovës, mori vendim që të shpallet ditë zie, shtetërore në nderim të policit Afrim Bunjaku, i vrarë në veri të vendit./Gazeta Infokus/
![](https://gazetainfokus.com/wp-content/uploads/2023/12/Foto-Lajmi.jpg)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...