Lajme

KQZ-ja hap thirrjen për akreditimin e vëzhguesve për zgjedhjet e 9 shkurtit

Autori: Gazeta inFokus 19:40 | 27 December 2024

Komisioni Qendror i Zgjedhjeve e ka hapur thirrjen për akreditimin e vëzhguesve për zgjedhjet e 9 shkurtit.

KQZ-ja i ka ftuar subjektet politike, organizatat joqeveritare, qeveritare, ndërkombëtare, përfaqësuesit e vendeve të huaj dhe mediat që të aplikojnë për akreditimin e vëzhguesve.

“Afatet për aplikim: Subjektet politike: 25 dhjetor 2024 – 4 shkurt 2025; Organizatat joqeveritare, qeveritare, ndërqeveritare, ndërkombëtare dhe përfaqësues të vendeve të huaja: 11 – 25 janar 2025; Mediat vendore dhe ndërkombëtare: 21 janar – 4 shkurt 2025”, thuhet në njoftimin e KQZ-së.

-Advertisement-

Më tej, KQZ-ja tha se vetëm vëzhguesit e akredituar nga ta do të lejohen të monitorojnë zgjedhjet dhe aktivitetet që do të zhvillohen në 38 Qendrat Komunale të Numërimit dhe Qendrën e Numërimit të Rezultateve.

Subscribe në YouTube: GAZETA INFOKUSI