Lajme

Kosova pret Qipron në ‘Fadil Vokrri’

Autori: Gazeta inFokus 08:13 | 15 October 2024

Sot (e martë) është në orar për t’u zhvilluar ndeshja mes Kombëtares së Kosovës dhe asaj të Qipros në kuadër të rrethit të katërt të Ligës së Kombeve.

‘Dardanët’ janë nikoqir të qipriotëve në ndeshjen që do të zhvillohet në stadiumin ‘Fadil Vokrri’ me fillim nga ora 20:45.

Kjo ndeshje është e vlefshme për Grupin 2 të Ligës C në Ligën e Kombeve dhe ‘Dardanët’ presin që të mbyllin me fitore këtë muaj.

-Advertisement-

Të besuarit e Franco Fodës vijnë në këtë takim pas fitores së rëndësishme që morën ndaj Lituanisë në udhëtim me golat e Edon Zhegrovës dhe Ermal Krasniqit (2-1).

Kosova ka kryer përgatitjet e duhura në këtë takim, megjithatë disa lojtarë janë në dyshim ndërsa disa mungojnë.

Elvis Rexhbeçaj nuk do të ketë mundësi të paraqitet shkaku i kartonëve teksa Valon Berisha dhe Donat Rrudhani janë në dyshim.

Subscribe në YouTube: GAZETA INFOKUSI
Etiketa:
Comodita në Las Vegas Market prezanton linjat e reja të dyshekëve për tregun amerikan
-Advertisement-

Të tjera

Fokusi

lajme