Lajme

Kosova e gatshme për strehimin e 5 mijë refugjatëve ukrainas

Autori: Gazeta inFokus 17:55 | 14 February 2023

Ministri i Mbrojtjes së Kosovës, Amrend Mehaj, shprehu gatishmërinë e Qeverisë së Kosovës për të strehuar 5 mijë refugjatë ukrainas, shkruan Gazeta Infokus.

Këtë Mehaj e tha në Bruksel gjatë takimit me Sekretari i Përgjithshëm i NATO-s, Jens Stoltenberg, në kuadër të takimin e nëntë të Grupit të Kontaktit për Mbrojtjen e Ukrainës ku morën pjesë 54 shtete.

“Edhe një herë shpreha gatishmërinë tonë si Qeveri e si Ministri e Mbrojtjes që në çdo kohë të strehojmë 5000 refugjatë ukrainas, e po ashtu të ofrojmë mbështetjen përmes trajnimit të ushtarakëve ukrainas në fushën e deminimit, kërkim-shpëtimit dhe eliminimit të materieve të rrezikshme”, ka shkruar Mehaj në Facebook.

-Advertisement-

Gjithashtu, ai njoftoi se është takuar edhe me homologë të tij nga vende të ndryshme.

Në këtë takim në Bruksel morën pjesë edhe Sekretari i Mbrojtjes i Shteteve të Bashkuara, Lloyd Austin, Kryetari i Shefave të Shtabit të Përbashkët, Gjenerali Mark Milley, të cilët theksuan edhe një herë rëndësinë që secili prej shteteve të ofroj të gjithë ndihmën e nevojshme për Ukrainën.

“Si një shtet që jemi përballur me një agresor të tillë me mentalitet okupues e gjenocidal, e kuptojmë shumë mirë luftën e popullit ukrainas për liri, e gjithashtu rolin e pazëvendësueshëm që ka faktori ndërkombëtar në këtë mes, ndihma  që mund të shpëtoj jetë e t’i jep fund terrorit.

Jemi me popullin ukrainas dhe do ofrojmë çdo ndihmë që është brenda kapaciteteve tona”, ka shkruar ministri Mehaj./Gazeta Infokus/

Subscribe në YouTube: GAZETA INFOKUSI
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

lajme