Tre herë Komuna e Gjakovës në krye me Ardian Gjinin, injoroi dhe shkeli vendimet e gjykatës së tenderëve për ndërtimin e “rrugës X” në Gjakovë,  rrugë kjo tranzit që lidh edhe rrugën e Pejës me Prishtinën, ku tenderi iu dha kompanisë më të shtrenjtë.

Gazeta Infokus raportoi në fund të muajit shtator në lidhje me këto shkelje për tenderin mbi 4 milionë euro për të cilin komuna e Gjakovës ka vendosur të heshtë.

LEXO EDHE: Komuna e Gjakovës i jep tenderin mbi 4 milionë euro konsorciumit më të shtrenjtë, injoron tre vendime të OSHP-së

E përveç shkeljes së rëndë ku komuna e Gjakovës injoroi tre vendime të Organit Shqyrtues të Prokurorimit duke u munduar të favorizojë kompani të caktuara, ky institucion u mundua që më pas kundërligjshëm edhe të anulonte tenderin e “fajin” për këtë vendim të ia linte Minstrisë së Infrastrukturës.

Mirëpo ministria ka mohuar që të ketë dorë në kërkesën për anulimin e terësishëm të këtij tenderi.

Gazeta Infokus ka siguruar komunikimin zyrtar në mes të konserciumit që iu bë e padrejtë nga komuna pavarësisht se u përkrah me tre vendime nga OSHP-ja si operatori ekonomik më i favorshëm, me zëvendësministrin e Infrastrukturës, Hysen Durmishin.

Kërkesa e kompanisë drejtuar ministrisë së Infrastrukturës për sqarim:

Në këto emaile thuhet se Ministria e Infrastrukturës asnjëherë nuk ka kërkuar asgjë të tillë nga komuna e Gjakovës dhe se komunikimi i ministrisë me komunën në lidhje me këtë tender ka pasur vetëm karakter teknik.

“I nderuar zv. Ministër. Nga ana e Komisionit për hartimin e projektit të rrugës: Hartimi i projektit kryesore – zbatues për: Zgjerimi i Rrugës Rajonale, Istog-Pejë- Gjakovë-Prizen, nuk është kërkuar asnjherë asgjë që ka të bëjë me punët dhe procedurat e brendeshme të komunës së Gjakovës. Takimi ynë ka pasur vetëm karakter të pastër teknike. Për më në detaje JU lutem shiqoni korrespodencat e bashkengjitura në attachment. Për më tepër përfaqesuesit e komunës se Gjakovës kanë kërkuar që traseja të projektohet mundësisht jashte zonës urbane sigurisht mund të shifni nga emailet e bashkëngjitura ne atachment”, thuhet në përgjigjen që zyrtarët që komunikuan me komunën i kanë dërguar zëvendësministrit Durmishi e më pas ai këtë përgjigje i ka nisur edhe grupit të operatoëve ekonomikë të cilët kanë kërkuar sqarim ngë ministria.

As në lidhje me këtë komuna e Gjakovës nuk ka pranuar të kthejë një përgjigje pavarësisht se Infokusi i ka dërguar mbi tre herë email me pyetje për sqarim në lidhje me këtë komunikim të zyrtarëve përgjegjës të Ministrisë së Infrastrukturës me zyrtarët e komunës.

Gazeta Infokus/

Coffee Show B2B në Zagreb nga Devolli Corporation

Sponsoruar