Komuna e Gjakovës i jep tenderin mbi 4 milionë euro konsorciumit më të shtrenjtë, injoron tre vendime të OSHP-së
Autori: Gazeta inFokus 19:55 | 26 September 2024
Ndërtimi i “rrugës X” në Gjakovë, rrugë kjo tranzit që lidh rrugën e Pejës me Prishtinën duke se ka shkaktuar telashe të mëdha.
Sipas dokumenteve të siguruara nga Gazeta Infokus, Komuna e Gjakovës me këtë tender mbi 4 milionë euro vendosi të favorizoi grupin e operatorëve ekonomikë që ofruan çmim më të lartë se sa dy konsorciume të tjera. E përveç kësaj shkeli ligjin duke injoruar edhe tre vendime të Organit Shqyrtues të Prokurimit apo siç njihet ndryshe si gjykata e tenderëve.
Dhënia e kontratës – Si vendosi komuna të favorizojë disa kompani të caktuara?
Konsorciumi i shpërblyer nga komuna, konkretisht nga zyrtari i prokurimit, Faton Gutaj është “PE-Vlaku SH.P.K”, “Joos & Krasniqi – Baze SH.P.K’, dhe “Roza Komani B.L” të cilën ofertuan hiq më pak se 4 milionë e 270 mijë e 543 euro.
Por dhënia e këtij tenderi u anulua në gjykatën e tenderëve. Organi Shqyrtues i Prokurorimit pas shyqrtimit të rastit kishte vendosur pro ankesës së grupit të operatorëve ekonomikë, ”Viktory Com, Pjeter Qerimi B.I – Company Eskavatori SH.P.K.- Marish SH.P.K, të cilët ofruan çmimin më të lirë.
Në vendimin e OSHP-së thuhet se procedurat e dhënies së këtij tenderi duhet të kthehen në rivlerësim.
“Aprovohet, si e bazuar ankesa e Grupit te Operatoreve Ekonomik ”Viktory Com, Pjeter Qerimi B.I – Company Eskavatori SH.P.K.- Marish SH.P.K, e parashtruar në Organin Shqyrtues të Prokurimit me 11.08.2023 me numër protokolli 2023/0572, vendimi për dhënie lidhur me aktivitetin e prokurimit me titull: “Ndertimi I Rruges X” me nr. të prokurimit:632-23-397-5-1-1, iniciuar nga Autoriteti Kontraktues (AK) – Komuna e Gjakoves, anulohet, lënda kthehet në ri-vlerësim”, thuhet në vendimin e OSHP-së.
OSHP-ja në këtë vendim erdhi në përfundim që autoriteti kontraktues në këtë rast komuna e Gjakovës ka vepruar në kundërshtim me ligjin e prokurimit.
“Bazuar në të lartcekurat, Paneli shqyrtues konsideron se AK ka vepruar në kundërshtim me dispozitat e nenit 7, 59, 60 dhe 72 të LPP. Paneli Shqyrtues konsideron se veprimet dhe aktet e AK, dhe vlerësimet e ekspertit shqyrtues lidhur plotësimin ose jo të kushteve të përshkruara si më sipër dhe pohimet ankimore në ketë rast përbejnë bazë të mjaftueshme që aktivitetit i prokurimit të kthehet sërish në ri-vlerësim sepse në të kundërtën do të bije ndesh me fushëveprimin e LPP dhe bazën argumentuese të pretendimeve ankimore, të cilat Paneli i vlerëson sipas vlerësimit të pavarur të tij në kuptim të nenit 104 lidhur me nenin 105 të LPP”, thuhet në vendim e gjykatës së tenderëve.
Vendimi i dytë i OSHP-së kundër Komunës së Gjakovës
Mirëpo si duket Komunës së Gjakovës dhe zyrtarit të prokurimit nuk iu mjaftoi as ky vendim. Në vend që tenderi të kthehej në rivlërësim ai u anulua terësisht nga komuna e Gjakovës.
Kështu konsoriciumi me çmimin më të ulët të ofruar iu drejtuan edhe një herë gjykatës së tenderëve.
Në vendimin e dytë të OSHP-së sërish aprovohet si e bazuar ankesa e kompanisë “Victory com”.
Aty thuhet se Komuna e Gjakovës nuk ka të drejtë të anulojë aktivitetin e prokurorimit pa bazë ligjore.
“Në këtë rast Paneli shpjegon se raporti i ekspertizës për ankesën e N.SH.T. VIKTORY COM është hartuar në mënyrë profesionale dhe i njëjti i përmban të gjitha pohimet ankimore dhe analizat lidhur me to, duke i shpjeguar në mënyrë specifike në raport me dispozitat e shkelura. Si rrjedhojë, Paneli Shqyrtues mbështet rekomandimin e ekspertit shqyrtues që ankesa e OE ankues nN.SH.T. VIKTORY COM aprovohet si e bazuar, të anulohet vendimi i AK dhe aktiviteti i prokurimit “Ndërtimi i Rrugës X” me numër të prokurimit 632-23-397-5-1-1 të kthehet në Rivlerësim pasi që anulimi i një aktiviteti të prokurimit pa bazë ligjore edhe pse ka oferta të përgjegjshme paraqet mos respektim të Ligjit për Prokurimin Publik të Republikës së Kosovës”, thuhet në këtë vendim.
Aty theksohet se kjo është hera e dytë që OSHP-ja merr vendim që Komuna të kthejë në rivlerësim dhënien e tenderit derisa kërkohet sërish që Komuna të respektojë vendimet e OSHP-së.
“Paneli vlerëson se ankesa e OE ankues përsëritet për herë të dytë dhe se ankesa konform Rregullores së Punës se OSHP-së konkretisht neni 16.2 te trajtohet si “Res Judicata”. Po ashtu neni 105 paragrafi 2.16 i LPP-së e obligon Kryetarin e Panelit Shqyrtues ta trajton ankesën si çështje të gjykuara “res judicata”. Në bazë të sqarimeve të lartpërmendura, eksperti shqyrtues i propozojnë panelit shqyrtues që ankesa e OE ankues të aprovohet si e bazuar, të anulohet vendimi i autoritetit kontraktues dhe rekomandon që lënda të kthehet në Rivlerësim. Pas analizimit të shkresave të lartpërmendura të cilat i kishte në dispozicion Paneli Shqyrtues, si: Ankesa e OE ankues, raportet e ekspertit shqyrtues, vendimin nr.2023/0572, dihet mirë se vendimet e OSHP-së janë të detyrueshme për autoritetet kontraktuese dhe të gjitha palët në procedurë, dhe se kundër vendimeve të OSHP-së, palët mund të ankohen në gjykatën kompetente brenda afatit ligjor me mjete të rregullta juridike, në përputhje me këshillën juridike të dhënë në vendim. Andaj, Paneli Shqyrtues kërkon nga Autoriteti Kontraktues (AK) Komuna e Gjakovës që në tërësi të zbatohet vendimet e OSHP”, thuhet në vendimin e siguruar nga Gazeta Infokus.
Komuna insiston në anulim, injoron edhe vendimin e tretë të OSHP-së
Duke qenë se OSHP-ja i hoqi nga lista komunës “tenderuesin e favorizuar” edhe një herë tjetër zyrtari i prokurimit mundohet që të anulojë terësisht këtë tender.
Kështu gjykata e tenderëve obligohet që të nxjerrë edhe një tjetër vendim ku kësaj here urdhëron komunën që të repektojë vendimet e OSHP-së konkretisht vendimin për rivlerësim të tenderit dhe vendimin kundër komunës për anulimin e terësishëm të projektit.
Ndryshe në bazë të ligjit nëse vendimi nuk respektohet nga komuna, OSHP-ja do ti anulojë licencën zyrtarit të prokurimit.
“Nga sa u tha më sipër është vendosur si në dispozitiv të këtij vendimi, Paneli Shqyrtues kërkon nga Autoriteti Kontraktues (AK) Komuna e Gjakovës. që në tërësi të zbatohen vendimet eOSHP. OSHP-ja urdhëron Autoritetin Kontraktues (AK) – Komuna e Gjakovës, që të ndërmarr masa për zbatimin e vendimit të lartpërmendur në afat prej pesë (5) ditësh, mos respektimi i këtij urdhri, në afat prej pesë ditësh kalendarike, do ta detyrojë panelin shqyrtues që të respektoj nenin 131 të LPP-së dhe njëkohësisht do të kërkojë nga KRPP-ja që ti anulojë licencën menaxherit të prokurimit të Autoritetit Kontraktues (AK) – Komuna Gjakovë në pajtim me nenin 25 paragrafi 8 dhe 9 të LPP-së”, thuhet në vendimin e siguruar nga Gazeta Infokus.
Mirëpo ani pse ka kaluar edhe më shumë se një muaj nga vendimi i tretë i OSHP-së komuna e Gjakovës ende nuk ka përfillur vendimet e këtij organi.
Gazeta Infokus në vazhdim do të publikojë edhe të tjera fakte dhe dokumente se si Komuna e Gjakovës pas vendimit të tretë të OSHP-së u mundua që të fajësojë, Ministrinë e Infrastrukturës për anulimin e tenderit pasi i dështuan përpejekjet për favorizim të një grupi të operatorëve ekonomikë.
Të tjera
-
Tomë Gashi – Korenicës të VV-së: Mirë ish kanë edhe ti të mbulohesh pakëz
Deputeti i VV-së, Visar Korenica, sot në seancën plenare ka ngritur si shqetë...
-
Tri aksidente sonte vetëm në Prishtinë, nuk dihet a ka të lënduar
Tri aksidente u raportuan në Prishtinë mbrëmjen e sontme. Njëri prej tyre ...
-
Hamza: Do ta jap maksimumin që PDK të ketë rol kryesor për krijimin e Qeverisë – për koalicion preferojmë partitë në opozitë
Kandidati për kryeministër i PDK’së, Bedri Hamza i është përgjigjur pyetjes s...
-
Osmani flet nga New Yorku: Mora konfirmim të fuqishëm nga presidenti Biden se do të jetë përkrah Kosovës
Presidentja e Kosovës Vjosa Osmani ka folur për rëndësinë e koordinimit dhe b...
-
Kurti takohen me Nënsekretarin e UNDP-së, i tregon për projektet zhvillimore në veri
Kryeministri i vendit, Albin Kurti, është takuar me nënsekretarin e Përgjiths...
-
Parashikimi i motit për të premten
Për të premten parashikohet të mbajë mot me diell dhe shumë i ngrohtë. Era...
-
“Me 9 shkurt e sheh a kena keqkuptu a jo”, Tomë Gashi debaton me Zana Avdiun e Blerim Latifin për sjelljen e qeverisë me aleatët
Blerim Latifi, profesor universitar ka thënë se problem i Kosovës tashmë ësht...
-
“Shqetësuese, kryeministri nuk hyn në Shtëpinë e Bardhë, e ka të ndalume”, Latifi i drejtohet deputetit të Vetëvendosjes
“Ku na çon përplasja me Amerikën”, është tema që të enjten po diskutohet në “...
-
Hamza për deklaratën e Hovenier: Për keqardhje që hisedarët më të mëdhenj të Kosovës i kemi sjell në situatë të tillë
Kandidati për kryeministër nga radhët e PDK’së, Bedri Hamza ka komentuar dekl...
-
“Ka ambasadorë qe s’i njeh as lagjja e vetë edhe gjyshi jem ka thanë me i rujt trojet tona”
Avokati Tomë Gashi tha se gjuhën që e ka përdorë ish-ambasadorja Jacobson dhe...
-
Hamza: Për Kosovën të gjithë me u bo bashkë nuk jemi boll, Serbia e Vuçiqi janë problemi
Kandidati i PDK-së për kryeministër, Bedri Hamza, ka thënë se në tema naciona...
-
“Një letër që ka qenë kërcënuese”, Kusari-Lila flet për bisedën me Milan Radoiçiqin
Shefja e Grupit Parlamentar të Vetëvendosjes, Mimoza Kusari-Lila, është pyetu...