Lajme

Kolona në pikën kufitare Kosovë – Shqipëri

Autori: Gazeta inFokus 12:40 | 10 March 2018

Në pikën kufitare Kosovë – Shqipëri në Morinë sot ka fluks të madh të automjeteve dhe janë krijuar kolona të gjata.

Kolona në pikën kufitare Kosovë – Shqipëri shihet në disa fotografi të publikuara nga një qytetar në rrjetet sociale.

Megjithkëtë, Ministria e Punëve të Brendshme në bashkëpunim me Open Data Kosovo dhe Girls Coding Kosova para tri ditësh kanë lansuar aplikacionin social “Pritjet Kufitare” i cili synon të ndihmojë qytetarët e Kosovës të planifikojnë udhëtimet e tyre ndërkufitare për të kursyer kohë, për të shmangur vonesat e trafikut dhe për të kaluar kufirin sa më shpejt që të jetë e mundur

-Advertisement-

Ky aplikacion i mbledh të dhënat nga 12 kalimet kufitare dhe gjeneron video në kohë për të treguar statusin e çdo pike kufitare. Shfaq automatikisht të dhënat për profilet e mediave sociale dhe është projektuar për të ndihmuar përdoruesit të marrin vendime në lëvizje./21Media

Subscribe në YouTube: GAZETA INFOKUSI