Sport

Klopp për Murinhon: Është mbresëlënëse ajo çfarë ai ka bërë për ‘Spurs’

Autori: Gazeta inFokus 16:17 | 15 December 2020

Trajneri i Liverpoolit, Jurgen Klopp, ka folur për Jose Murinhon para duelit të mërkurës që klubet e tyre zhvillojnë bashkë, shkruan Gazeta inFokus.

Në një konferencë për shtyp, Klopp e ka vlerësuar lartë Murinhon duke thënë se ajo çfarë ai ka bërë me Tottenhamin është e jashtëzakonshme.

‘Spurs’ këtë edicion mbajn kreun e tabelës në Premier Ligë me pikë të barabarta me ‘The Reds’, 25 sosh.

-Advertisement-

“Jose tregoi qartë se ai mund të kthehet, nëse mund ta quash kështu,” tha Klopp në konferencën për shtyp të së martës para ndeshjes. “Është shumë mbresëlënëse ajo që ai ka bërë në “Spurs”.

“Mënyra se si ata luajnë këtë vit është me të vërtetë e mirë. Ai i shndërroi ata në një makinë rezultatesh. Përformancat, nëse jo në rastin më të mirë, ata përsëri fitojnë, mbrohen kolektivisht. Kanë qenë mbresëlënës.”

“Ata kanë anësorë të shpejtë të cilët janë të vështirë për t’u mbrojtur, plus një mesfushor shumë sulmues në Tanguy Ndombele, po ashtu mesfushorë shumë të fortë prapa” deklaroj Klopp.

Ndeshja mes Liverpoolit dhe Tottenhamit luhet të mërkurën në stadiumin ‘Anfield’ më fillim nga ora 21:00./Gazeta inFokus/

Subscribe në YouTube: GAZETA INFOKUSI