Lajme

Kërkohet paraburgim ndaj avokatit që dyshohet se pranoi 8 mijë euro për të ndikuar te gjyqtarët

Autori: Gazeta inFokus 14:10 | 09 June 2023

Prishtinë– Prokuroria Themelore në Prishtinë, ka paraqitur kërkesë për caktimin e masës së paraburgimit në gjykatën kompetente, ndaj të pandehurit H.J., për shkak të veprës penale “Ushtrimi i ndikimit”.

I dyshuari është arrestuar të enjten, nën dyshimin se në cilësinë e avokatit pranoi 8 mijë euro për të ndikuar te gjyqtarët, raporton “Betimi për Drejtësi”.

“I pandehuri i lartcekur është ndaluar me urdhër të Prokurorit të Shtetit më 08.06.2023, pas veprimeve hetimore të ndërmarra në koordinim me Policinë e Kosovës, Drejtorinë për Hetimin e Krimeve Ekonomike dhe Korrupsionit, pasi dyshohet se i njëjti në cilësinë e avokatit mbrojtës të një pale ka kërkuar dhe pranuar para në shumën prej 8000 (tetë mijë) euro nga një palë në procedurë pranë Gjykatës Themelore në Gjilan, me premtimin që këto para t’ia jap kolegjit të gjyqtarëve, në mënyrë që të njëjtit të nxjerrin vendim në favor të palës së mbrojtur nga i pandehuri”, thuhet në njoftimin e Prokurorisë Themelore të Prishtinës.

-Advertisement-

Tutje në njoftim thuhet se, prokurori i çështjes në koordinim me Policinë janë duke vazhduar me ndërmarrjen e veprimeve hetimore për ta ndriçuar në plotëni këtë rast.

Subscribe në YouTube: GAZETA INFOKUSI