Lajme

Kërcënohet Pacolli, anulon pjesëmarrjen në takimin e ministrave në Bosnjë

Autori: Gazeta inFokus 20:39 | 03 September 2018

Zëvendëskryeministri njëherësh edhe ministri i Punëve të Jashtme, Behgjet Pacolli ka anuluar pjesëmarrjen në takimin e Ministrave të Punëve të Jashtme të vendeve anëtare të Procesit të bashkëpunimit në Evropën Juglindore.

Ai përmes një postimi në facebook e ka bërë të ditur lajmin duke shkruar gjithashtu se shkak i anulimit është kërcënimi i Presidentit të Republikës serbe të Bosnje dhe Hercegovinës, Miroslav Dodik.

Sipas Pacollit, Dodik gjatë ditës ka deklaruar se zëvendëskryeminsiti i Kosovës dhe delegacioni i tij nuk janë të mirëseardhur në Banja Llukë.

-Advertisement-

“Sapo kam anuluar pjesëmarrjen time në takimin e Ministrave të Punëve të Jashtme të vendeve anëtare të Procesit të bashkëpunimit në Evropën Juglindore për shkak të këcënimeve nga Presidenti i Repulikës serbe të Bosnje dhe Hercegovinës, Miroslav Dodik, i cili sot në një intervistë për një medium ka deklaruar se unë dhe delegacioni im nuk jemi të mirëseardhur në Banja Llukë. Me politikan si Dodik rajoni nuk mund të ecën pērpara. Gjuha kërcënuese e Dodikut na kujton një të kaluar të afërt të politikanëve radikal, si ky vet dhe pasojat e këtyere kërcënimeve. Republika e Kosovës mbetet e përkushtuar drejt bashkëpunimit rajonal, ndërsa ftoj zyrtarët e BE-së, sidomos ata në Komisionin Evropian që të mos heshtin ndaj këtyre fenomeneve.”, ka shkruar Pacolli në facebook./inFokus

Subscribe në YouTube: GAZETA INFOKUSI
Etiketa:
Meridian Express hap marketin e ri në qytetin e Mitrovicës Veriore!
-Advertisement-

Të tjera

Fokusi

lajme