Rozë

“Kam humbur 380 mijë dollarë për gjysmë ore”/ Rrëfimi tronditës i Rogertit në ‘Big Brother VIP Albania’

Autori: Gazeta inFokus 14:42 | 31 January 2026

Një përplasje verbale mes Rogertit dhe Gimbos në shtëpinë e Big Brother VIP ka marrë një kthesë të papritur, duke zbuluar detaje tronditëse nga e kaluara personale e Rogertit. Debati, që fillimisht ishte i mbushur me tensione, u shndërrua në një rrëfim të hapur mbi humbjet e mëdha financiare që ai pranon se ka pësuar si pasojë e bixhozit dhe vendimeve të gabuara.

Gjatë diskutimit, Rogerti deklaroi se ka humbur shuma marramendëse parash në një kohë shumë të shkurtër, duke lënë të shtangur bashkëbiseduesin e tij.

“Kam humb 380 mijë dollarë për gjysmë ore. Unë kam çuar dëm një tan shtëpi. S’di ku janë, e kupton? Me lojën time edhe me historinë time,” u shpreh ai, duke pranuar hapur pasojat e zgjedhjeve të tij.

-Advertisement-

Deklaratat e Rogertit u pritën me habi nga Gimbo, i cili i vuri në dukje se humbje të tilla nuk janë diçka për t’u mburrur dhe as një rrugë e drejtë për t’u ndjekur. Në përgjigje të kritikave, Rogerti shpërtheu me tone të larta, duke sqaruar arsyen pse ka vendosur të jetë pjesë e këtij formati.

“O vëlla, s’kam ardh për shembull të mirë unë këtu o shok. Kam ardh këtu me tregu jetën time, edhe mos të bëjnë gabimet e mia robt, o budall,” iu drejtua ai Gimbos.