Lajme

Kabashi-Ramaj kërkon shkarkimin e ministrave pas vras*jes së Arlindës: Drejtësinë ia kemi borxh

Autori: Gazeta inFokus 11:20 | 29 October 2026

Deputetja e PDK-së, Besa Kabashi-Ramaj, ka kërkuar përgjegjësi institucionale pas vrasjes së Arlindës, duke kritikuar reagimin e institucioneve dhe duke kërkuar shkarkimin e ministrës së Drejtësisë dhe ministrit të Punëve të Brendshme, shkruan Gazeta Infokus.

Gjatë deklarimit të saj, Kabashi-Ramaj ka ngritur pyetjen se si është e mundur që një grua t’i drejtohet shtetit për mbrojtje dhe, megjithatë, të përfundojë e vrarë.

Ajo i është drejtuar edhe kryeministrit, i cili, sipas saj, kishte kërkuar llogaridhënie, duke theksuar se kanë kaluar 72 orë nga kërkesa e tij dhe se institucionet duhet të paraqesin një raport të plotë për përgjegjësitë dhe masat konkrete.

-Advertisement-

“Si është e mundur që një grua t’i drejtohet shtetit për mbrojtje e të përfundojë e vrarë?”, ka deklaruar Kabashi-Ramaj, duke shtuar se mungesa e një raporti të plotë do ta vinte në pikëpyetje vlerën e premtimeve për llogaridhënie.

Deputetja e PDK-së ka kërkuar si masë shkarkimin e ministrës së Drejtësisë dhe atij të Punëve të Brendshme, duke argumentuar se përgjegjësia e tyre nuk kufizohet vetëm në periudhat kur institucionet funksionojnë mirë, por duhet të shtrihet edhe në rastet kur sistemi dështon.

“Me e pakta që mund të bëni është shkarkimi i detyrueshëm i ministrit të Drejtësisë dhe Punëve të Brendshme, sepse ata nuk janë aty vetëm kur punët shkojnë mirë, por edhe kur sistemi dështon”, ka theksuar ajo.

Në fund, Kabashi-Ramaj ka thënë se jeta e Arlindës nuk mund të kthehet, por drejtësia për të mbetet detyrim institucional dhe shoqëror.

“Fatkeqësisht, Arlindës nuk mund t’ia kthejmë jetën, por ia kemi borxh drejtësinë”, ka përfunduar deputetja.

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy