Lajme

Ja si i falënderon Fisnik Ismaili votuesit e Vetëvendosjes

Autori: Gazeta inFokus 16:01 | 12 June 2017

Kandidati për deputet nga Vetëvendosje, Fisnik Ismaili, ka falënderuar votuesit e kësaj Lëvizje duke thënë se sot pas 18 vite pas çlirimit Kosova e zgjua nga gjumi e buzëqeshur dhe plotë shpresë.

Ai ka vazhduar duke thënë se gjatë 12 viteve të kësaj lëvizje ka pasur momente dëshpërimi e shprese por asnjëherë nuk e kane humbur besimin në njerëzit ë këtij vendi, transmeton Infokusi.com

Postimin e plotë të Ismaili bërë në rrjetin social “facebook” mund ta gjeni më poshtë:

-Advertisement-

“O njerëz të mirë, e kam dijtë se jeni shumë, edhe e di se jeni shumë ma shumë. E kishit humbë besimin që ka politikanë të mirë, të drejtë e të sinqertë, edhe e kuptoj pse. Për 17 vjet na kanë mjelë, e na kanë mundue, deri e kanë krijue bindjen se tetanë politikanët janë të këqij.

Ishte rrugë e gjatë edhe hiç e lehtë deri e thyem këtë bindje një herë në Prishtinë në 2013, e mbas shumë pune e sakrificash, sot, në ditën kur u çlirue ky vend para 18 vjetësh, e në ditën kur u krijue kjo Lëvizje para 12 vjetësh, Kosova u çue prej gjumi shumë ma ndryshe: e buzëqeshun, plot shpresë edhe, për herë të parë mbas aq shumë kohësh, me zemër plot.

Oh sa gjatë e sa fort kemi punue, e sa dajakun, e sa përbuzjen, e sa shpifjen, e sa kërrcënimin e kemi përballue, veç me e dëshmue se nuk jemi sikur ata. Kemi pasë edhe momente dëshpërimi, kur nuk dilshit boll nëpër protesta e kur na shajshit që po çojmë fërrka, por edhe momente shprese, kur nënshkruejshi pericione e kërkojshit drejtësi. Por për asnjë moment të vetëm nuk na ka humbë besimi në njerëzit e këtij vendi, juve që ma në fund jeni duke besue se këtë vend mundemi me e kthye në kambë bashkë.

E ky është vetëm fillimi. 7 vjet në skenën politike e dëshmuen se na jemi e vetmja forcë që ia don të mirën qetij vendi edhe njerëzve që jetojnë në të. 3 prej tyne në Prishtinë e dëshmuem se na mundemi me e ba edhe ma mirë. Prej sot, rrugëtimi ynë është veç bashkë me juve, o njerëz të mirë, duke u rritë çdo ditë, duke e dashtë njani-tjetrin, edhe duke e dashtë qet trohë Kosove, ma shumë se kurrë, me krejt zemrën.

S’po gjej fjalë me ju falënderue krejtve, pos njanës: DASHNI! ❤️

Faith in humanity restored.”/INFOKUSI

 

 

 

Subscribe në YouTube: GAZETA INFOKUSI
Black Friday ne Artmotion

Të tjera