Ekonomi

Ja sa e kanë të vështirë të marrin viza “pasanikët” e Kosovës

Autori: Sylejman Sylejmani 12:32 | 14 March 2019

Bizneset Kosovare për të udhëtuar në Gjermani, Francë apo vende tjera të Bashkimit Evropian u duhen të presin deri në një vit për të marrë vizë nga ambasadat të cilat janë në Kosovë.

Në një raport të Odës Ekonomike të Kosovës të siguruar nga Gazeta inFokus thuhet se kjo gjë po ua vështirëson kompanive kosovare që të bëjnë biznes me partnerët ndërkombëtar.

Më shumë se gjysma nga 76 kompanitë e anketuara në këtë hulumtim kanë thënë se për një vizë është dashur të presin nga 6 muaj deri në një vit.

-Advertisement-

E këtë vizë për të cilën kanë pritur kaq gjatë, kanë pasur të drejtë ta shfrytëzojnë për vetëm 3 muaj.

Edhe për caktimin e termineve për vizë, bizneset kosovare duhet të presin me muaj.

Rreth 61 për qind e kompanive të anketuara kanë thënë se për një termin është dashur të presin nga 3 deri në 6 muaj.

E janë vetëm 16 për qind e kompanive vizën e kanë marrë për një periudhe prej 1 deri në 14 ditë.

Duke pasur probleme të tilla, në raport thuhet se kostoja financiare për bizneset po bëhet më e lartë. /Gazeta inFokus

Subscribe në YouTube: GAZETA INFOKUSI
Po, Po 31 Vetura Dacia Logan shpërblim për konsumator nga ETC

Të tjera

Fokusi

ekonomi