Ismaili kalon ditën me Veselin në Hagë, bënë sendviça për drekë: Kjo ishte porosia që ma dha
![](https://gazetainfokus.com/wp-content/uploads/2022/11/veseliii-730x440-1-600x3601-1.png)
Autori: Gazeta inFokus
19:34 | 28 November 2022
Nënkryetari i PDK-së, Uran Ismaili ka njoftuar se festën e 28 Nëntorit e ka kaluar në Hagë, aty ku mbahet ish-kryetari i Kuvendit të Kosovës, Kadri Veseli.
Ismaili duke treguar se si e ka kaluar kohën me Veselin, ka thënë se ai i la edhe një fjalë, të cilin e ka ndarë me ndjekësit e tij në Facebook.
“Keni shumë çka me përmirësu në Kosovë, e kjo duhet të ja u definojë patriotizmin që me punu për të mirën e shtetit e mos me koritë familjen”, i ka thënë Veseli Ismailit.
Përveç Veselit, Ismaili ka njoftuar se ka pasur rast ta takoj edhe ish-deputetin e VV-së, Rexhep Selimi, ish-kryetarin e Kuvendit, Jakup Krasniqi si dhe dy ish-krerët e UÇK-së, Hysni Gucati e Rasim Haradinaj.
Ish-presidentin Hashim Thaçi nuk e ka takuar, për të cilën gjë, ka shkruar Ismaili, i ka mbetur shumë merak.
Njoftimi i plotë:
Këtë festë të madhe të shqiptarëve e kalova në Hagë me Kadri Veselin. Sendviçat e drekës i bëmë bashkë, e muhabeti i mirë i bëri edhe ma të shijshëm. Unë flisja dhe e kujtoja të kaluarën, por ai si gjithmonë ma i interesuar me folë për të ardhmen. E kushdo që e njeh nga afër, e din që nuk të len me ikë pa një fjalë të mirë. “Keni shumë çka me përmirësu në Kosovë, e kjo duhet të ja u definojë patriotizmin që me punu për të mirën e shtetit e mos me koritë familjen”, më tha.
Fati deshi që kësaj radhe të takoj edhe udhëheqës të tjerë të UÇK-së që po mbahen në Hagë. Rexhës ia urova festën dhe e përgëzova për ekspozitën që e ka hapë në Prishtinë. I erdhi mirë që ekspozita e tij është pritë mirë dhe më qerasi me një kafe. Pastaj e takova edhe bacën Jakup me familjen e tij që gjithashtu kishin ardhë për vizitë.
E takova edhe Hysin që e kishte pasë një operacion tepër të vështirë para disa javësh si pasojë e plagëve të luftës. Djemtë e Hysit më treguan edhe për problemet me vizat 3 ditore që po i lëshohen për me vizitu babanë e tyre. Padrejtësi mbi padrejtësi.
Në fund e takova edhe Nasimin që kishte përgatitë ushqim tradicional për festë, por që nuk arrita ta provoj sepse koha e vizitës më përfundoi.
Më mbeti shumë merak që nuk e pashë Presidentin Thaçi kësaj here, sepse ashtu do të ishte kompletu vizita. E planifikova që herën e ardhshme ta takoj enkas.
U ndava nga Kryetari Veseli duke mendu se qysh Zoti i ka beku me karakter të pathyeshëm. Me buzëqeshje si gjithëmonë “Të fala andej, na jemi shumë mirë, ju mbajuni të fortë!”
Ne me u ba të fortë?! Derisa vështirësia e situatës edhe njëherë është mbi supet e tyre, ata sërish na demonstrojnë se si duhet përballur me sfidat që na ballafaqon jeta, e në veçanti mbrojtja e interesave kombëtare.
Gëzuar 28 Nëntorin nga Haga ku po mbahen të burgosur disa burra krenarë për një kohë kur ishin djem të ri që luftuan kundër robërisë e për lirinë e Kosovës.
![](https://gazetainfokus.com/wp-content/uploads/2023/11/Prince-Konzum.jpg)
Të tjera
-
Lajçak takohet me këshilltarin e Macronit, pritet diskutimi për dialogun Kosovë-Serbi
Emisari i BE-së për dialogun Kosovë-Serbi, Miroslav Lajçak, pas Prishtinës e ...
-
Orav takohet me përfaqësues të serbëve në veri: Do të punojë që zotimet e Kosovës ndaj komuniteteve të zbatohen
Shefi i ri i zyrës së Bashkimit Evropian në Kosovë, Aivo Orav sot gjatë d...
-
Ajeti e takon Scholzin: Gjermania, një aleat historik dhe tradicional i Kosovës
Ambasadori i Gjermanisë në Kosovë, Faruk Ajeti, sot e ka takuar kancelarin gj...
-
Në ditët në vijim priten rrebeshe shiu në Kosovë, por jo dhe vërshime
Në ditët në vijim në Kosovë, priten reshje e shiu e rënie të temperaturave. ...
-
Gjendet pa shenja jete një grua në Fushë Kosovë
Një trup i pajetë është gjetur në rrugën “Hysen Xhakolli” në Fushë Kosovë. ...
-
Hoxhaj, Lavrovit: Propaganda ruse dhe serbe e ‘spạstrimit etnik’ të serbëve në Kosovë, përpjekje për destabilizim
Nënkryetari i Kuvendit nga radhët e PDK-së, Enver Hoxhaj, ka reaguar ndaj dek...
-
Lavrov: Po tentojnë që serbët t’i dëbojnë në heshtje nga Kosova
Ministri i Jashtëm rus, Sergei Lavrov, ka thënë se serbët e Kosovës janë duke...
-
Kurti: Trashëgimia e Rexhep Lucit mbetet e gjallë dhe duhet të vazhdojë përmes veprave tona
Kryeministri Albin Kurti, përmes një njoftimi ka bërë të ditur se e ka shikua...
-
Aksident në mes autobusit të “Trafikut Urban”, dhe një veture në Prishtinë (PAMJE)
Një aksident trafiku ka ndodhur para pak minutave në mes të autobusit të “Tra...
-
Arrestohet një serb për krimẹ lụftẹ në Istog
Policia e Kosovës ka arrestuar një serb për krime lufte kundër popullsisë civ...
-
“Ekrem Rrahmani, assesi nuk po mund të edukohet” reagon VV-ja në Podujevë pas përplasjes me Bulliqin
Lëvizja Vetëvendosje e Qendrës në Podujevë, ka reaguar pas përplasjes...
-
Lansohet projekti për sigurinë e fëmijëve në trafik
Në shkollën fillore ” Naim Frashëri” në Prishtinë, sot u bë lansimi i projekt...