Lajme

Kurti: Trashëgimia e Rexhep Lucit mbetet e gjallë dhe duhet të vazhdojë përmes veprave tona

Autori: Gazeta inFokus 17:27 | 12 Shtator 2024

Kryeministri Albin Kurti, përmes një njoftimi ka bërë të ditur se e ka shikuar mbrëmë dokumentarin “‘REXHEP’ – Çka e vrau arkitektin?”, shkruan Gazeta Infokus.

Në një postim në “Facebook”, Kurti ka thënë se ky dokumentar tregon jetën e arkitektit Rexhep Luci, ku përkujton se drejtësia për të ende nuk është vendosur.

Gjithashtu Kurti tha se “ne të tjerët kemi humbur shumë më tepër sesa ai vetë”.

-Advertisement-

“Rasti i vrasjes së Rexhep Lucit i cili fillimisht trajtohej nga ndërkombëtarët e UNMIK-ut është transferuar te prokuroria e drejtësia vendore. Dorasi(t) ende në liri, me drejtësi të mohuar për rastin, familjarët e miqtë e tij, mbarë popullin e shoqërinë. Ne të gjithë duhet të flasim, të zemërohemi me të panjohurën sublime që e shfaq ky krim dhe të angazhohemi për dokumentimin e punës dhe qasjen që e kishte arkitekt Rexhepi. Le të nderojmë kujtimin e Rexhep Lucit jo vetëm me fjalë, por duke kërkuar drejtësi, duke luftuar për llogaridhënie, dhe duke u përkushtuar ndaj të njëjtit vizion për integritet dhe përparim për të cilin ai nuk u spraps derisa dha edhe jetën”.

“Trashëgimia e Rexhep Lucit mbetet e gjallë dhe duhet të vazhdojë përmes veprave tona. Puna e tij, vizioni për një Prishtinë më të drejtë dhe më të rregullt, është një udhërrëfyes për të gjithë ne që besojmë në një të ardhme më të mirë”, ka thënë Kurti në një postim në Facebook.

Ndërkaq mbrëmë në Modelariumin e Fakultetit të Arkitekturës në Prishtinë, u shfaq dokumentari “Rexhep – Çka e vrau arkitektin”, nga MB OFFICE me regji të Mathieu Jouffre dhe skenar nga Besa Luci dhe Mathieu Jouffre, ku përkujtua jeta dhe vepra e Rexhep Lucit. /Gazeta Infokus/

Më poshtë gjeni postimin e plotë të kryeministrit Albi Kurti:

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy