Lajme

“Ishin civilë”, Ukraina thotë se gjetën trupa me shenja torture afër Kievit

Autori: Gazeta inFokus 09:38 | 21 April 2022

Trupat e nëntë civilëve, disa me shenja torture, janë gjetur në qytetin Borodyanka jashtë kryeqytetit ukrainas Kiev, tha një zyrtar i lartë i policisë.

“Këta njerëz u vranë nga pushtuesit dhe disa tregojnë shenja torture. Dua të theksoj se këta njerëz ishin civilë. Ushtria ruse me vetëdije qëlloi civilë që nuk bënë asnjë rezistencë,” kreu i policisë në rajonin e Kievit Andriy Niebytov.

Tërheqja e forcave ruse nga qytetet dhe fshatrat përreth Kievit la një gjurmë të vdekjeve civile, duke filluar me zbulimet në Buça, që kanë bërë që zyrtarët ukrainas të akuzojnë Rusinë për gjenocid.

-Advertisement-

Niebytov tha se policia kishte zbuluar dy varre rreth Borodyankas.

Në një varr, tre persona – duke përfshirë një vajzë 15-vjeçare – u zbuluan dhe një varr i dytë mbante trupat e gjashtë personave, tha ai.

Të gjithë ata ishin vendas, shtoi ai.

Autoritetet në Kiev thonë se qindra trupa civilësh të vrarë janë gjetur në zonat e kontrolluara nga forcat ruse rreth kryeqytetit që nga nisja e pushtimit më 24 shkurt./REL

Subscribe në YouTube: GAZETA INFOKUSI
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin
-Advertisement-

Të tjera

Fokusi

lajme