Sport

Interi fiton ndaj Slavia Pragës dhe mban gjallë shpresat për kalimin e fazës së grupeve

Autori: Gazeta inFokus 23:10 | 27 November 2019

Interi ka fituar me rezultat bindës ndaj Slavia Pragës me rezultat 1-3 në kuadër të Ligës së Kampionëve.

Nerazzurët ishin ata që kaluan të parët në epërsinë me anë të Lautaro Martinez në minutën e 19-të që u shërbye mjaftë mirë nga Romelu Lukaku.

Por, Slavia Praga arriti ta barazonte rezultatin me anë të Tomas Soucek (37’) që shënoi nga pika e bardhë, duke përfunduar pjesa e parë 1-1.

-Advertisement-

Pjesa e dytë ishte edhe më e zjarrtë, pasi Interi kërkonte me çdo kusht që ta rikthente epërsinë.

Lukaku shënoi në minutën e 81-të me një asistim të Valentino Lazaros, për ta rikthyer kështu epërsinë.

Martinez (88’) shënoi golin e dytë në ndeshje, duke pranuar sërish asistim nga sulmuesi belg, për ta vulosur kështu fitoren e skuadrës italiane.

Barcelona është lider i Grupit F me 11 pikë, Interi dhe Borussia Dortmundi me nga shtatë dhe Slavia Praga me dy. /Telegrafi/

Subscribe në YouTube: GAZETA INFOKUSI
Çka do të thotë të gatuash shqip?

Të tjera

Fokusi

sport