Lajme

Inteligjenca amerikane: Kina po shqyrton dërgimin e dronëve dhe municioneve në Rusi

Autori: Gazeta inFokus 22:32 | 24 February 2023

Inteligjenca amerikane thekson se qeveria kineze po konsideron t’i sigurojë Rusisë dronë dhe municione për përdorim në luftën në Ukrainë.

Burime pranë inteligjencës amerikane thanë për CNN se Pekini nuk ka marrë ende një vendim përfundimtar por negociatat për çmimin dhe shtrirjen e pajisjeve janë në vazhdim.

Që nga pushtimi i Ukrainës, Rusia ka kërkuar vazhdimisht drone dhe municione nga Kina dhe udhëheqja kineze ka debatuar në mënyrë aktive gjatë disa muajve të fundit nëse duhet të dërgojë ose jo ndihmën vdekjeprurëse, thanë burimet e njohura me inteligjencën amerikane.

-Advertisement-

Zyrtarët e inteligjencës amerikane kanë mbledhur informacion gjatë javëve të fundit që sugjerojnë se Kina tani po priret drejt ofrimit të pajisjeve. SHBA dhe aleatët e saj javën e kaluar filluan të paralajmërojnë publikisht për mbështetjen e mundshme ushtarake të Kinës për Rusinë.

Sigurimi i dronëve dhe municioneve do të shënonte një përshkallëzim të rëndësishëm të mbështetjes së Kinës për Rusinë, e cila deri më sot ka qenë e kufizuar kryesisht në kompanitë kineze që ofrojnë jo- pajisje vdekjeprurëse si helmeta, xhaketa dhe imazhe satelitore për forcat ruse.

Gazeta gjermane Der Spiegel raportoi fillimisht se Kina mund t’i ofrojë Rusisë drone sulmuese.

“Shqetësimi që kemi tani bazohet në informacionin që kemi se ata po shqyrtojnë ofrimin e mbështetjes vdekjeprurëse dhe ne ua kemi bërë shumë të qartë atyre se kjo do të shkaktonte një problem serioz për ne dhe në marrëdhënien tonë,” tha Sekretari i Shtetit Antony Blinken fundjavën e kaluar.

Homologu kinez i Blinken, Wang Yi, iu përgjigj akuzave të SHBA-së në fillim të kësaj jave, duke thënë se pozicioni i Kinës ndaj Ukrainës “mund të vihet thjesht si nxitje e bisedimeve të paqes”./abcnews.al

Subscribe në YouTube: GAZETA INFOKUSI
Risi në foleja.com! Prej 49.99€ bleni dyshekët Nouve Blanc dhe përfitoni transportin falas me DHL
-Advertisement-

Të tjera

Fokusi

lajme