Sport

Ibrahimovic arrin 500 gola në karrierë me një vepër arti (Video)

Autori: Gazeta inFokus 11:10 | 16 September 2018

Zlatan Ibrahimovic përfundon sërish në qendër të vëmendjes. Në orët e para të mëngjesit të së dielës me orën europiane, sulmuesi suedez arriti shifrën jubilare të 500 golave në karrierë pasi shënoi golin e parë për Los Angeles Galaxy në humbjen 5-3 ndaj Torontos.

Goli i 500-të i Zlatan ishte një vepër arti siç vetëm Ibra di t’i realizojë. Një goditje në stilin taekwondo për t’i treguar edhe njëherë botës se fillimet e tij i ka patur në sportin e karatesë.Ibrahimovic gjithsesi na ka mësuar shpesh me gola të tillë dhe kur perla mbajnë firmën e tij nuk janë më edhe aq të jashtëzakonshme. Nga 500 golat e tij Zlatan ka shënuar 62 me Suedinë dhe 438 në nivel klubesh.