Sport

Ibra “ndez” Manchester United-Barça: Do të jetë betejë mes atyre të dyve…

Autori: Gazeta inFokus 13:26 | 09 April 2019

Zlatan Ibrahimovic, ish-lojtar i Barcelonës dhe Manchester United, ka folur nga SHBA për përplasjen çerekfinale të Ligës së Kampionëve mes këtyre dy skuadrave. Ballafaqimi i parë do të luhet në “Old Trafford”, të mërkurën. “Unë mendoj se kjo do të jetë një ndeshje shumë interesante, mes dy skuadrave të mëdha.

Dy klube me histori të madhe, me lojtarë fantastikë në përbërje, do të vihen kundër njëri-tjetrit, ndaj do të jetë shumë tërheqëse për ta parë supersfidën. Duhet të presim e të shohim se kush është më i forti, – ka analizuar suedezi i LA Galaxy. – Padyshim, unë mendoj se Messi bën dallimin në çdo ndeshje dhe kjo nuk është sekret.

Te Manchester United mendojnë se Pogba e bën ndryshimin, kështu që pres të jetë një betejë mes Messit dhe Pogba, pavarësisht se kolektivi vendos në futboll, aq më tepër në kësi lojërash, ku ka rëndësi të madhe fryma në ekip. Gjithsesi, unë mendoj se këto lojtarë do ta bëjnë dallimin dhe kjo do të jetë interesante”.

-Advertisement-

Kujtimet e suedezit me të dyja fanellat janë të bukura, por është e qartë se në çfarë situate e ka lënë “Camp Nou”. “Ne ishim ekipi më i mirë në botë. Njerëzit kishin respekt të madh për ne, më ka pëlqyer të luaja në atë ekip…”, – ka kujtuar Zlatan në një video, që Barça e ka shpërndarë përmes rrjeteve të saj sociale.