Lajme

I zhdukur prej 8 ditësh, vijojnë kërkimet për gjetjen e 43-vjeçarit në lumin Drin

Autori: Gazeta inFokus 22:30 | 02 January 2022

Edhe sot në ditën e tetë kanë vijuar kërkimet për gjetjen e trupit të 43-vjeçarit, Tofik Xhika, i cili dyshohet se është mbytur në ujërat e lumit Drin.

Xhika shkoi për të peshkuar 8 ditë më parë në lumin Drin dhe nuk është kthyer më në banesë. Për 8 ditë me radhë kanë kërkuar familjarët, banorët e zonës dhe forcat e policisë por pa rezultat.

Për 2 ditë me radhë kërkuan edhe palombarët e RENEA-s, por për shkak të prurjeve të shumta të lumit Drin dhe ujit të turbullt ato u tërhoqën, duke lënë të kërkojnë vetëm familjarët.

Në këto kushte familjarët kanë marrë privatisht 2 polumbarë për të kryer kërkime, por sërish nuk ka asnjë rezultat. Ata kërkojnë sërish ndihmën e shtetit, për të kërkuar trupin e 43-vjeçarit./tvklan/

Të tjera