Sport

I shënoi dy gola Liverpoolit, këto janë fjalët e Viniciusit pas ndeshjes

Autori: Gazeta inFokus 23:16 | 06 April 2021

Real Madridi e ka mposhtur Liverpoolin me rezultat 3-1, në duelin e parë të vlefshëm për çerekfinalen e Ligës së Kampionëve, shkruan Gazeta inFokus.

Në takimin e zhvilluar në ‘Alfredo di Stéfano Stadium’, dy gola për ‘Los Blancos’ i shënoi Vinicius Junior.

Pas ndeshjes ai u shpreh shumë i lumtur me fitoren ndaj Liverpolit.

“Është shumë bukur të fitosh, në momentin më të mirë të sezonit”, tha fillimisht Vinicius Junior.

“Ne nuk lejuam që ata të krijojnë raste dhe duhet të luajmë në të njëjtën mënyrë si sot. Të tjerët flasin, unë vazhdoj të punoj, kjo më jep forcën që më duhet për të arritur në momentin e rëndësishëm dhe për të shënuar golat që na duhen”, vazhdoi ai.

“Unë punoj shumë, kam ëndërruar të luaj për Real Madridin dhe mendoj se për shkak të dëshirës dua më të mirën për tifozët tanë”, përfundoi brazilian.

Ndeshja e kthimit do të zhvillohet pas një jave në stadiumin ‘Anfiled’ në Liverpool./Gazeta inFokus/

Të tjera

Fokusi

sport