Lajme

Hoxhaj: Ramush Haradinaj do të jetë kandidat për Kryeministër i koalicionit PDK-AAK-Nisma

Autori: Gazeta inFokus 01:12 | 17 May 2017

Partia Demokratike e Kosovës ka mbajtur një konferencë për media, pas arritjes së një koalicioni parazgjedhor me Aleancën për Ardhmërinë e Kosovës dhe Nismën për Kosovën.

“Qytetarët e Kosovës e meritojnë ta kenë një ekip udhëheqës që arrin rezultate menjëherë”, ka thënë nënkryetari i PDK’së, Enver Hoxhaj, nga selia e PDK’së.

Ai ka thënë se qytetarët e Kosovës meritojnë udhëheqës që nuk luftojnë vetëm për të mirën personale, por që sjellin zhvillim në vend.

-Advertisement-

Hoxhaj ka bërë të ditur se kreu i PDK’së, Kadri Veseli, e ka ftuar Ramush Haradinajn nga AAK që ta udhëheqë “Misionin e Ri”.

Veseli do të jetë bartës i listës së koalicionit, ndërsa Haradinaj kandidat i përbashkët i koalicionit për kryeministër, ka bërë të ditur Hoxhaj.

“Do të kemi qeveri të rezultateve konkrete, do të fillojmë ta jetësojmë fillimin e ri për Kosovën”, është shprehur Hoxhaj.

Subscribe në YouTube: GAZETA INFOKUSI
BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare

Të tjera

Fokusi

lajme