Lajme

Helmimi i dyshimtë i qeneve në veri të Mitrovicës, Prokuroria nis hetimet

Autori: Gazeta inFokus 16:06 | 07 March 2023

Disa qenë kanë ngordhur gjatë fundjavës në veri të Mitrovicës, e që të njëjtit dyshohet se janë helmuar.

Fotografitë e qeneve të ngordhur në disa pjesë të qytetit janë publikuar nga Shoqata për Mbrojtjen e Kafshëve “Shapa”.

Kjo shoqatë apelon qytetarët që të kenë kujdes sepse helmi i mbetur në rrugë nuk është i dukshëm si më parë, por është i pangjyrë. Ata gjithashtu treguan se kanë marrë informacione nga qytetarët që kanë pasur kontakt me helmin, se kanë vërejtur reagime të pazakonta në trup.

-Advertisement-

Lidhur me këtë rast, Telegrafi ka kontaktuar me Prokurorinë Themelore të Mitrovicës.

Zëdhënësi i kësaj prokurorie Valon Preteni ka thënë se është hapur rast dhe se janë duke u kryer hetimet.

“Është njoftuar prokurori kujdestar, është hapur rast për veprën penale “Keqtrajtimi i kafshëve dhe ndotja e ushqimit dhe e ujit të shtazëve”. Rasti është duke u hetuar në koordinim me policinë”, ka thënë Preteni.

Subscribe në YouTube: GAZETA INFOKUSI
BKS-ja kërkon nga Institucionet që sigurimi për bujqit të bëhët obligativ

Të tjera

Fokusi

lajme