Lajme

Haradinaj: Familjet e heronjve mbajtën gjallë rezistencën ndaj okupatorit dhe trasuan rrugën drejt çlirimit

Autori: Gazeta inFokus 17:15 | 16 February 2023

Në prag të përvjetorit të 15-të të pavarësisë së Kosovës, kryetari i AAK-së, Ramush Haradinaj, ka vizituar familjen e heroit të kombit nga Mitrovica, Kadri Bistrica.

Haradinaj ka thënë se familjet e heronjve janë ato që mbajtën gjallë rezistencën ndaj okupatorit dhe trasuan rrugën drejt çlirimit të atdheut.

“Përgjatë historisë sonë të lavdishme shumë familje dhanë kontribut të çmuar në përpjekjet për liri e pavarësi. Janë ato që mbajtën gjallë rezistencën ndaj okupatorit dhe janë ato që trasuan rrugën për të ardhur deri te liria që e gëzojmë sot”, ka shkruar Haradinaj.

-Advertisement-

“Njëra nga këto familje patriotike, është edhe ajo e heroit të kombit, Kadri Bistrica nga Mitrovica. Nga mosha 20 vjeçare ai mori pjesë në kuvendet e burrave të Shalës së Bajgorës, ku bëheshin pajtimet e gjaqeve. Në shtator të vitit 1941, Kadriu u zgjodh udhëheqës i forcave vullnetare që mbronin kufirin verior të shqiptarëve. Gjatë betejës së famshme të Cerajës dhe Sllatinës, bie heroikisht më 15 tetor 1941, bashkë me bashkëluftëtarët e tij, Rexhep e Rifat Dedia”.

“Në prag të përvjetorit të 15-të të pavarësisë së Kosovës, vizitova këtë familje që t’i uroj dhe t’i shpreh mirënjohjen për kontributin e dhënë për lirinë e vendit”, tha Haradinaj.

Subscribe në YouTube: GAZETA INFOKUSI
Comodita po tërheq klientë seriozë në Panarin IMM, në Këln të Gjermanisë

Të tjera

Fokusi

lajme