Lajme

Haradinaj: Edhe një takim koti i dialogut Kosovë-Serbi

Autori: Gazeta inFokus 19:50 | 19 July 2021

Ish-kryeministri i Kosovës, Ramush Haradinaj, e ka quajtur “takim koti” mbledhjen e palës kosovare dhe asaj serbe në kuadër të dialogut mes dy vendeve në Bruksel.

Haradinaj ka cilësuar se në dialog duhet të përfshihet SHBA’ja e të mos i lihet në dorë BE’së, derisa ka thënë se “secila palë ka veç një interes, që me retorika populiste ta mashtrojë popullin e vet në prag të zgjedhjeve”, përcjell Gazeta Expresss.

“Kryeministri i Kosovës ka vendosur që të mos bëjë asgjë në këtë proces. Ai nuk po don me e kuptu se pa përfshirjen e SHBA, dialogu është i vdekur. Ai nuk po don me e kuptu se me Borelin e Lajçakun është në qorrsokak”, ka shkruar ndër të tjera ai.

-Advertisement-

Kurti përgjatë së hënës ka zhvilluar një takim në Bruksel me Vuçiq në kuadër të dialogut Kosovë-Serbi. Takimi u tensionua si rezultat i refuzimit të Dokumentit të Paqes, i cili sipas kryeministrit të Kosovës u refuzua nga presidenti serb për shkak të togfjalëshit “përballja me të kaluarën”.

Postimi i plotë i Haradinajt:

Edhe një takim koti i dialogut Kosovë-Serbi.

Secila palë ka veç një interes, që me retorika populiste ta mashtrojë popullin e vet në prag të zgjedhjeve!

Kryeministri i Kosovës ka vendosur që të mos bëjë asgjë në këtë proces. Ai nuk po don me e kuptu se pa përfshirjen e SHBA, dialogu është i vdekur. Ai nuk po don me e kuptu se me Borelin e Lajçakun është në qorrsokak.

Sa më larg të shtyhet përfshirja e një emisari amerikan në dialog, dëmi do të jetë më i madh, edhe për Kosovën edhe për Kryeministrin!

Po të ishte Amerika në dialog, tashmë do të ishim në prag të marrëveshjes përfundimtare! A ka njeri që mund t’ia shpjegojë këtë Albin Kurtit!?

RH

 

 

Subscribe në YouTube: GAZETA INFOKUSI
Vetëm edhe 4 ditë nga Bootcamp me Alan Greenberg, ish-Drejtorin për Edukim në Apple, Apliko Tani

Të tjera

Fokusi

lajme