Lajme

Goditje për OpenAI, kompania paguan miliona për të mbyllur hetimin në ShBA

Autori: Gazeta inFokus 22:47 | 04 August 2026

OpenAI ka pranuar të paguajë 3.2 milionë dollarë për të zgjidhur një hetim të Departamentit të Drejtësisë të ShBA-së lidhur me pretendimet për diskriminim ndaj kandidatëve amerikanë gjatë procesit të punësimit.

Sipas autoriteteve amerikane, OpenAI dhe kompania Statsig kanë përdorur praktika që dekurajonin aplikimet e punëtorëve amerikanë, përfshirë kërkesat për aplikime me postë, publikimin e vendeve të punës në orare të pazakonta dhe mosshpalljen e tyre në platforma të jashtme.

Në marrëveshjen me autoritetet, OpenAI mohoi se kishte shkelur ligjin, por pranoi ta mbyllë çështjen pa vazhduar procedurat gjyqësore, raporton Reuters, transmeton Klankosova.tv.

-Advertisement-

Nga shuma prej 3.2 milionë dollarësh, 1.2 milionë do të paguhen si gjoba civile, ndërsa 2 milionë dollarë do të përdoren për kompensimin e personave që pretendohet se janë diskriminuar.

Kompania është zotuar gjithashtu të ndryshojë politikat e punësimit, të trajnojë stafin për zbatimin e ligjeve kundër diskriminimit dhe t’i nënshtrohet mbikëqyrjes së Departamentit të Drejtësisë.

Rasti konsiderohet një nga më të rëndësishmit në fushatën e autoriteteve amerikane kundër diskriminimit në punësim dhe vjen në kohën kur administrata e presidentit Donald Trump po ashpërson masat ndaj abuzimit me sistemin e vizave të punës.

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy