Gliha kërkon fitore në miqësoren me Jordaninë për ngritje të moralit
Autori: Gazeta inFokus 21:39 | 09 November 2021
Kombëtarja e Kosovës e ka kryer stërvitjen e dytë dhe të fundit para miqësores me Jordaninë, që zhvillohet nesër mbrëma në orën 18:00, në stadiumin “Fadil Vokrri”.
Edhe në stërvitjen e sotme përzgjedhësi Primozh Gliha u përqendrua në taktikën e lojës, teksa punoi veçmas në repartin e mbrojtjes dhe atë të mesfushës.
Paraprakisht në konferencën për media folën përzgjedhësi Gliha dhe portieri Samir Ujkani.
Ky i fundit fillimisht e falënderoi ish-përzgjedhësin Bernard Challandes për kontributin e tij për Kosovën, teksa theksoi se dy ndeshjet e fundit të këtij viti duhet t’i shërbejnë ekipit për ta rikthyer mentalitetin e fituesit për ndeshjet e edicionit të ri në Ligën e Kombeve që nisin në mars të vitit të ardhshëm.
“Kemi dy ndeshje që janë shumë të rëndësishme. Sidomos, ndeshja me Greqinë është e rëndësishme për ne, që të marrim një rezultat pozitiv. E ky rezultat pozitiv, do të na ndihmonte ta kthejmë mentalitetin tonë fitues dhe pastaj të përgatitemi për vitin tjetër. Qëllimi ynë është të përgatitemi sa më mirë për Ligën e Kombeve. Lojtarët që vijnë duhet të japin gjithmonë maksimumin, për të marrë rezultate. Duhet të kthehet atmosfera pozitive që vjen nga rezultatet e mira, fitoret apo barazimet. Kohët e fundit kemi humbur ndeshjet, ndoshta edhe pa meritë. Duhet të punojmë sa më shumë dhe të përgatitemi sa më mirë kur të vijnë ndeshjet e Ligës së Kombeve”, ka thënë Ujkani.
Ndërkaq, përzgjedhësi Primozh Gliha pasi bëri një prezantim të biografisë së tij, theksoi se e njeh mirë ambientin tek Dardanët dhe mentalitetin e kosovarëve.
“E njoh mirë Kosovën sepse këtu kam bërë ushtrinë në vitet e 80-ta. Kam shumë miq këtu dhe e kam ndjekur rregullisht edhe Kombëtaren e Kosovës. Jam i vendosur për të provuar të fitojmë në secilin ndeshje që është e mundshme. Ndoshta, duket të ndryshojmë në aspektin e respektimit të kundërshtarëve, pasi po i respektojmë si shumë. Dhe, nëse ndryshojmë këtë, atëherë besoj se do të marrim rezultate më të mira”, ka thënë Gliha.
Ai ka thënë se pa marrë parasysh nëse bëhet fjalë për miqësore apo ndeshje zyrtare, ekipi duhet ta japë maksimumin e tij.
“Për mua nuk ka ndeshje miqësore, pasi çdo sfidë është e rëndësishme. E them këtë sepse çdo fitore e ngrit moralin e ekipit. Në ndeshje me Jordaninë duhet ta kërkojmë fitoren dhe të ngremë moralin e ekipit dhe kjo është mënyra e vetme për të ardhur te rezultatet e mira”, ka shtuar trajneri slloven.
Ai ka thënë se Kosova ka sulm shumë të mirë, por duhet ta përmirësojë lojën në mbrojtje.
“Kur kam ardhur në Kosovë pas ndeshjes me Lituaninë presidenti Ademi më ka pyetur se si më duket ekipi dhe i kam thënë se në fazën sulmuese Kosova për Slloveninë është Brazil, por në fazën e mbrojtjes Sllovenia për Kosovën është Gjermani. Dhe kjo është ajo çfarë dua ta përmirësoj në ekip. Pra, duhet të bëjmë ndryshim në aspektin e mentalitetit të ekipit dhe të marrim rezultatet më të mira të mundshme”, ka nënvizuar Gliha.
Të tjera
-
Mbahet seanca e parë e Kuvendit Komunal në objektin e Zubin Potokut
Për herë të parë që pas zgjedhjeve të vitit të kaluar, të premten u mbajt sea...
-
Voton diaspora në Maqedoninë e Veriut, këto janë rezultatet zyrtare
Janë publikuar rezultatet zyrtare të Komisionit Shtetëror të Zgjedhjeve nga r...
-
Aksident mes katër veturash në Veternik, dy të lënduar
Dy persona kanë mbetur të lënduar si pasojë e një aksidenti mes katër veturav...
-
Zeqiri: Kemi punë përpara në funksionalizimin e objektit të Komunës
Ka përfunduar seanca e parë në Kuvendin Komunal të Zubin Potokut. Në seancë m...
-
Nervozohet Vuçiq: Veprimi i “neveritshëm”, duan t’i heqin sanksionet Kosovës
“Në Bashkimin Evropian tani kanë nisur një mekanizëm për heqjen e sanksioneve...
-
Të shtëna me armé në një lokal në magjistralen Prishtinë – Ferizaj
Policia e Kosovës ka arrestuar dy persona pasi njëri prejt tyre ka shtënë me ...
-
Mërgimtarët dërguan 112 milionë euro në Kosovë gjatë muajit mars
Mbi 112 milionë euro është vlera e dërgesave të mërgatës që janë sjellë në Re...
-
Shtatë raste të dhünës në familje në 24 orët e fundit në Kosovë
Shtatë raste të dhunës në familje janë raportuar në 24 orët e fundit në Kosov...
-
Përmbytjet vdekjeprurëse të Dubait, shkencëtarët bëjnë zbulimin e frishkëm! Një nga shkaktarët kryesor të kësaj katastrofe është…
Shiu rekord që ra mbi Emiratet e Bashkuara Arabe dhe Oman këtë muaj, duke shk...
-
Çitaku: Vetëvendosje në zgjedhjet e ardhshme do të jetë në opozitë
Sekretarja e përgjithshme e PDK-së, Vlora Çitaku tha se subjekti politik ku ...
-
Nju Jork, mbyllet dita e tretë e dëshmive në gjyqin penal ndaj Trump
David Pecker, ish botues i tabloidit ‘National Enquirer’, dëshmoi të enjten n...
-
Sot mbahet ceremonia përmbyllëse e garës ndërkombëtare “Ushtari më i mirë 2024”
Të premten, me datë do të 26 mbahet ceremonia përmbyllëse të garës ndërkombët...