Lajme

Gjykimi ndaj katërshes së UÇK-së, Çitaku: Shteti ka qenë indiferent

Autori: Gazeta inFokus 19:34 | 04 August 2026

Deputetja e zgjedhur e PDK-së, Vlora Çitaku, ka kritikuar qasjen e institucioneve të Kosovës ndaj procesit gjyqësor ndaj ish-krerëve të UÇK-së në Hagë, duke thënë se shteti ka qenë indiferent ndaj tyre.
Në emisionin “DPT te Fidani” në Klan Kosova, Çitaku tha se PDK-ja, por edhe qytetarët e Kosovës, shpresojnë që 16 shtatori të jetë një moment vendimtar për drejtësinë dhe dinjitetin e vendit.

Ata nuk janë thjesht katër emra të përvetshëm atje ata përfaqësojnë një epokë, përfaqësojnë një histori dhe një lexues laik i aktakuzës e kupton shumë qartë që caku nuk janë ata personalisht sepse nuk ka asnjë akuzë të drejtpërdrejtë. Caku i tërë kësaj ndërmarrje të prokurorisë ka qenë përmbysja e roleve dhe krijimi i një balance të rrejshme artificiale mes popujve në Ballkan. Gjoja të gjithë kemi qenë të këqinj gjoja të gjithë kemi qenë agresorë, por është shumë e rëndësishme të kuptohet që kjo nuk është thjesht një betejë për të kaluarën po është edhe betejë për të ardhmen, sepse vendimi i gjykatës speciale do të ndikojë në të ardhmen tonë si shtet, një vendim negativ do të cenojë edhe vetë shtetësinë e Republikës”, u shpreh Çitaku.
Ajo foli edhe për angazhimin e Serbisë dhe Rusisë në këtë proces, duke thënë se Beogradi dhe Moska kanë zhvilluar një aktivitet të madh diplomatik kundër ish-krerëve të UÇK-së.

Ndër të tjera, Çitaku kritikoi edhe mbështetjen financiare të ofruar nga institucionet për mbrojtjen e ish-krerëve të UÇK-së në Hagë, duke thënë se ajo nuk ka mbuluar nevojat reale të procesit.

-Advertisement-

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy