Lajme

Gjendet pa shenja jete një burrë në Prishtinë

Autori: Gazeta inFokus 09:33 | 03 February 2023

Një burrë është gjetur pa shenja jete të enjten në Prishtinë, shkruan Gazeta Infokus.

Sipas policisë, rastin në polici e ka paraqitur një grua e cila ka raportuar se rreth një javë nuk ka pasur kontakt me viktimën i cili jetonte vetëm në shtëpi.

Vdekjen e viktimës e ka konfirmuar ekipi mjekësor.

-Advertisement-

Lidhur me rastin është konsultuar edhe prokurori me vendim të së cilit trupi i pa jetë i viktimës është dërguar në Institutin e Mjekësisë Ligjore për obduksion.

“Ankuesja femër kosovare ka raportuar se ka rreth një javë që nuk ka kontaktuar me viktimën mashkull kosovar i cili jetonte vetëm në shtëpi. Është hapur dera e shtëpisë së tij dhe është hasur viktima i shtrirë në tokë, nga stafi mjekësor i emergjencës është konstatuar se trupi i viktimës është pa shenja jete. Në lidhje me rastin është konsultuar prokurori i shtetit, trupi i pa jetë i viktimës është dërguar në IML për obduksion”, thuhet në raport./Gazeta Infokus/

Subscribe në YouTube: GAZETA INFOKUSI