Lajme

Gjendet kutia e zezë e avionit të Prigozhin, fillojnë hetimet

Autori: Gazeta inFokus 19:12 | 26 August 2023

Hetuesit rusë kanë gjetur regjistruesin e fluturimit të kutisë së zezë nga avioni i shefit të Wagnerit, Yevgeny Prigozhin, i cili dyshohet të këtë vdekur në avionin që u rrëzua në Moskë.

Komiteti hetimor tha gjithashtu se trupat e gjetur në vendin e përplasjes do t’i nënshtrohen testit gjenetik për të konfirmuar identitetin e tyre, shkruan “TheTelegraph”, transmeton Klankosova.tv.

“Hetimi do të kontrollojë me kujdes të gjitha versionet e mundshme të asaj që ka ndodhur”, tha komiteti nëpërmjet një Telegrami.

-Advertisement-

Pavarësisht se janë rikuperuar si regjistruesit ashtu edhe trupat, mund të kalojë shumë kohë para se të dalin të dhënat e hetimit zyrtar.

Kutitë e zeza përmbajnë sasi të mëdha të të dhënave të fluturimit për t’u analizuar, si dhe regjistrime audio të kabinës.

Autoritetet ruse kanë përmendur nevojën për të pritur rezultatet e testit të ADN-së për të konfirmuar vdekjen e Prigozhinit, por Vladimir Putin tashmë ka shprehur ngushëllimet e tij.

Kremlini ndërkaq ka mohuar përfshirjen në rastin e rrëzimit të aeroplanit.

Subscribe në YouTube: GAZETA INFOKUSI
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin
-Advertisement-

Të tjera

Fokusi

lajme