Ekonomi

Gërxhaliu pasi Vjosa Osmani dekretoi Ahmet Ismajlin për guvernator të BQK-së: Proces skandaloz e i politizuar

Autori: Gazeta inFokus 14:15 | 09 August 2023

Presidentja, Vjosa Osmani ka dekretuar sot guvernatorin e ri të Bankës Qendrore të Kosovës, Ahmet Ismajli.

Ish kryetari i Odës Ekomomike të Kosovës, Safet Gërxhaliu për Gazetën Infokus ka thënë se është pozitive që BQK-ja të ketë tashmë guvernatorin pas disa muajve që ky proces kishte ngecur në Kuvend, mirëpo sipas tij duke qenë se ka një lëndë të hapur në lidhje me këtë proces kjo mund të sjellë pasojë në të ardhmen.

“Duke e marrë parasysh rëndësinë e Banka Qendrore e Kosovës është pozitive që presidentja e ka dekretuar guvernatorin e ri. Por, në anën tjetër ky proces që është në sistemin e drejtësisë, herë do kur do të ketë pasoja, pasi që nga fillimi ka qenë skandaloz, me parregullsi të shumta dhe jo transparent”, ka thënë ai.

-Advertisement-

Procesin e përzgjedhjes së Ismajlit, Gërxhaliu e ka quajtur skandaloz të kriminalizuar e të politizuar. Madje njohësi i çështjeve të ekonomisë ka thënë se dikush duhet të japë përgjegjësi për prishjen e imazhit të Kosovës.

Upss: E kemi harruar vëllaun e Vjosa Osmanit që u punësua në BQK

“Për këtë proces të kriminalizuar dhe politizuar, dikush duhet të jap përgjegjësi për cenim të sigurisë kombëtare dhe prishjen e imazhit të Kosovës përballë partnerëve strategjik të Kosovës, sidomos FMN dhe Bankës Botërore’, përfundon Gërxhaliu.

Kujtojmë se ish guvernatori i BQK-së, Fehmi Mehmeti është ankuar në Gjykatë në lidhje me këtë proces ku po pretendon se është diskriminuar ngase nuk është futur në listën e kandidatëve të përzgjedhur.

Madje ai kishte kërkuar nga Gjykata që të merrej masa e sigurimit dhe të mos përzgjidhej guvernatori deri në zgjidhjen e çështjes së tij mirëpo kjo masë ishte refuzuar nga Gjykata./Gazeta Infokus/

Nipi i Besnik Bislimit pretendonte pozitën e guvernatorit të BQK-së, nuk kalon fazën e intervistimit

 

Subscribe në YouTube: GAZETA INFOKUSI
Etiketa:
A prishet cilësia e gjumit nëse pini kafe në mbrëmje?
-Advertisement-

Të tjera

Fokusi

ekonomi