Fokus

Upss: E kemi harruar vëllaun e Vjosa Osmanit që u punësua në BQK

Autori: Gazeta inFokus 17:00 | 14 March 2023

Gazeta inFokus, para disa ditëve ka publikuar një video me punësimet e familjarëve të krerëve të shtetit, ku nxiti reagime të shumta në opinionin publik.

Por pa dashje është harruar të ceket vëllau i presidentes, Vjosa Osmani, i cili hiq më pak se para disa jave filloi zyrtarisht punën në institucion shtetëror.

Pas shumë presioneve politike edhe presidentja e vendit, më në fund e rehatoi vëllun e saj, Ramadan Osmanin, në Bankën Qendrore të Kosovës (BQK) në pozitën: mbikëqyrës i lartë bankar.

Vëllau i shefes së shtetit tashmë po e gëzon pozitën e rëndësishme, si mbikëqyrës i lartë bankar në Departamentin e Mbikëqyrjes Bankare në hyrje të objektit të BQK-së.

Ramadan Osmani, sipas njoftimit të BQK-së, ka arritur të marrë 176 pikë (në mesatare) në testin me shkrim dhe intervistën nga 200 sa ishte totali i pikëve të mundshme.

Por para disa muajve guvernatori Fehmi Mehmeti, përmes një letre i ishte drejtuar presidentes Osmani, që politika të qëndrojë sa më larg BQK-së, por duket së e para e vendit ia ka arritur qëllimit.

Presidentja gjithashtu duket se i bëri një vend edhe tezakes së saj, Venera Çerkini, në pozitën e Drejtorit të Agjencisë për Zhvillimin e Bujqësisë, institucion që funksionon në kuadër të Ministrisë së Bujqësisë, ku ministër është Faton Peci nga Lista Guxo.

Ndryshe, Gazeta inFokus, vazhdimisht do të ju mbaj të informuar në lidhje me punësimet masive të familjarëve të krerëve të shtetit në institucionet shtetërore./Gazeta inFokus/

UNICEF-i dhe Devolli Corporation bashkojnë forcat për fëmijët dhe të rinjtë

Të tjera

Fokusi

fokus