Lajme

Ganimete Musliu i lëshon fjalimet e vjetra të Kurtit përmes telefonit të saj për ta dokumentuar ndryshimin radikal të tij

Autori: Gazeta inFokus 01:56 | 03 March 2023

Deputetja Ganimete Musliu i ka lëshuar përmes telefonit të saj disa deklarata të kryeministrit Kurti ku paraqiten ndryshimet radikale të qëndrimeve të tij.

Kurti paraprakisht e mohoi se kishte ndryshuar qëndrime, duke thënë se kishte ndryshuar strategji.

Por, Musliu në foltoren e Kuvendit përmes mikrofonit i lëshoi deklaratat e Kurtit ku vërehej qartë ndryshimi radikal i Kurtit në qëndrime sa i përket çështjes së dialogut.

-Advertisement-

Shumë deputetë e duartrokitën për këtë gjest.

“Pata me thanë shumë gjëra sot, por nuk po e di cilit Albin me i folë apo cilit Albin me i bo pyetje. A me i bo pyetje Albinit, shokut të Arben Xheladinit dhe Mon Balajt? Allahile a po të vjen marre kur po e ninë veten?” – u shpreh më pas Musliu.

Seanca e Kuvendit të Kosovës kujtojmë se po vazhdon edhe pse po afron ora 2 e natës.

Ajo i quajti disa deputetë të Vetëvendosjes “lepuj të hipnotizuar”.

Subscribe në YouTube: GAZETA INFOKUSI

Të tjera

Fokusi

lajme