Lajme

Fyerja e Ardian Kastratit, rasti shkon në një instancë tjetër

Autori: Gazeta inFokus 12:45 | 08 April 2021

Universiteti i Prishtinës ka njoftuar se rastin për fyerjen publike nga profesori dhe deputeti Ardian Kastrati, e ka dërguar në Këshillin e Etikës.

“Pas njoftimit të Universitetit të Prishtinës “Hasan Prishtina” lidhur me distancimin dhe dënimin e gjuhës denigruese, të përdorur në postimin e z. Ardian Kastrati, profesor asistent në Fakultetin Filozofik, UP-ja njofton opinionin se këtë çështje e ka dërguar për trajtim me prioritet në Këshillin e Etikës.

Këshilli i Etikës është organ i pavarur i UP-së, i emëruar nga Senati, me qëllim të trajtimit në mënyrë meritore dhe sipas ligjit, çështjet e tilla brenda UP-së.

Meqenëse puna në Universitetin e Prishtinës bazohet në vlerat themelore të arsimit të lartë, jemi të përkushtuar që mjedisi universitar të jetë i sigurt, nxitës, pa diskriminim dhe respektues i plotë i të drejtave të njeriut” thuhet në njoftim.

Të tjera