Lajme

FSK zhvillon trajnim për të Drejtën Ndërkombëtare Humanitare

Autori: Gazeta inFokus 15:11 | 02 October 2026

Në Kazermën “Adem Jashari” në Prishtinë është zhvilluar trajnimi “Train the Trainers”, me temë “E Drejta Ndërkombëtare Humanitare – International Humanitarian Law (IHL)”, i dedikuar instruktorëve të Forcës së Sigurisë së Kosovës.

Trajnimin e hapën gjeneral brigade Astrit Haliti dhe drejtori i NALT-it, gjeneral Thomas Schulte-Borghoff.

Trajnimi u organizua në bashkëpunim mes NALT-it dhe Komitetit Ndërkombëtar të Kryqit të Kuq (KNKK), me ligjërata dhe sesione praktike të udhëhequra nga përfaqësues të KNKK-së dhe NALT-it.

-Advertisement-

Gjatë trajnimit u trajtuan tema që lidhen me zbatimin e së drejtës ndërkombëtare humanitare në operacionet ushtarake, përfshirë planifikimin e operacioneve, sjelljen gjatë armiqësive, pjesëmarrjen e drejtpërdrejtë në luftime, operacionet urbane, përzgjedhjen e objektivave, teknologjitë e reja të luftës dhe përgjegjësitë komanduese.

Pjesëmarrësit trajtuan gjithashtu mënyrat e integrimit të së Drejtës Ndërkombëtare Humanitare në procedurat dhe doktrinat ushtarake.

Qëllimi i trajnimit ishte forcimi i kapaciteteve të instruktorëve të FSK-së për përcjelljen e njohurive dhe parimeve të së Drejtës Ndërkombëtare Humanitare në kuadër të institucioneve të edukimit dhe trajnimit.

Sipas organizatorëve, trajnimi kontribuon në zhvillimin profesional të instruktorëve dhe në zbatimin e standardeve ndërkombëtare në fushën e mbrojtjes dhe sigurisë.

Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy