Lajme

Flet Rugova para formimit të Qeverisë: I kemi numrat, sot votohet Qeveria Hoti

Autori: Gazeta inFokus 09:46 | 03 June 2020

Anëtari i Kryesisë së LDK-së, Haki Rugova është shprehur i bindur se sot në Kuvendin e Kosovës do të votohet Qeveria Hoti.

Rugova në një prononcim për Telegrafin ka thënë se i kanë numrat për formimin e Qeverisë.

“Unë e di që janë numrat, e di që do të mbahet seanca dhe e di që do të zgjidhet qeveria. Këto janë informacionet që i kam unë, dhe jam i bindur që sot do të formohet Qeveria”, ka thënë Rugova.

-Advertisement-

Lexo po ashtu:
“Qeveria Hoti”, largohet Abdixhiku rikthehet Veliu
“Qeveria Hoti”, largohet Abdixhiku rikthehet Veliu
Ndryshe dje pas mbledhjes së Kryesisë së LDK-së, ky subjekt bëri të ditur emrat e ministrave nga kjo parti.

Kryesia e LDK-së vendosi që Driton Selmanaj të jetë zëvendëskryeministër, Hykmete Bajrami të kalojë në Ministrinë e Financave, Anton Quni do të mbetet në Ministrinë e Mbrojtjes, Vlora Dumoshi po ashtu do të jetë në Ministrinë e Kulturës, Rinisë dhe Sportit, Agim Veliu do të kthehet në Ministrinë e Punëve të Brendshme, Arban Abrashi në Ministrinë e Infrastrukturës dhe Ambientit, Armend Zemaj në Ministrinë e Shëndetësisë dhe Besian Mustafa do të mbetet në Ministrinë e Bujqësisë.

Seanca për votimin e Qeverisë së re pritet të nis në orën 11:00.

Subscribe në YouTube: GAZETA INFOKUSI
Etiketa:
BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare

Të tjera

Fokusi

lajme