Lajme

Flet për herë të parë gazetari kosovar pas dëshmisë në Speciale

Autori: Gazeta inFokus 13:33 | 04 November 2021

Gazetari kosovar, Halil Berisha, ka folur për herë të parë pas dëshmisë që ka dhënë në Gjykatën Speciale, shkruan Gazeta Infokus.

Ai përmes një postimi në llogarinë e tij në Facebook, ka falënderuar të gjithë personat që e kanë përkrahur publikisht e privatisht.

Për pjesën e paraqitjes në Hagë, s’ka dashur të flasë shumë, por vetëm ka theksuar se stresin e presionin ia kanë larguar të gjithë ata që e kanë përkrahur.

-Advertisement-

“Për pjesën e paraqitjes n’Hagë nuk du me fol shumë. Çka du me thanë është që stresin e presionin e madh që e kam pas ma ka largu shumë përkrahja e juaj. Mos t’harroj, faleminderit edhe për ata që kam besu e kam prit që kanë me reagu, nëse jo për diçka tjetër, me ndihmu në ndaljen e paragjykimeve, po që për arsye t’panjohura për mu, nuk e kanë thanë as edhe një fjalë”, ka shkruar Berisha në postimin e tij.

Kujtojmë që  gazetari Berisha është përgjigjur në Hagë, lidhur me konferencat për shtyp që i mbanin ish-krerët e OVL e UÇK’së, Hysni Gucati e Nasim Haradinaj.

Në fund të shtatorit të vitit të kaluar, dy krerët e OVL-së së UÇK-së, kryetari Hysni Gucati dhe nënkryetari i kësaj organizate, Nasim Haradinaj u arrestuan me urdhër të Gjykatës Speciale. Ata akuzohen dhe po gjykohen për pengim në administrimin e drejtësisë, frikësim të dëshmitarëve, hakmarrje dhe shkelje të fshehtësisë së procedurës.

Më poshtë gjeni postimin e tij të plotë:/Gazeta Infokus/

Subscribe në YouTube: GAZETA INFOKUSI
Etiketa:
Afati i fundit për regjistrime në programin MSc. Data Science & Analytics në UNI – Universum International College – Powered…
-Advertisement-

Të tjera

Fokusi

lajme