Flet bashkëshorti i gruas që u kap në kamera me shefin e saj në koncertin e Coldplay.

Një sipërmarrës nga Massachusetts ka folur për fundin e martesës së tij me një ekzekutive të një kompanie teknologjie, e cila u pa në korrik, në mënyrë famëkeqe, në krahët e shefit të saj gjatë një koncerti të Coldplay.

Lajmi se Kristin Cabot kishte paraqitur kërkesën për divorc nga bashkëshorti i saj Andrew Cabot bëri bujë, disa javë pasi ajo u kap nga kamera e ashtuquajtur “kiss cam” e përqafuar me ish-CEO-n e Astronomer, Andy Byron, i cili gjithashtu u raportua se është i martuar.

-Advertisement-

Një zëdhënëse e ish-bashkëshortit të Kristin Cabot i tha PEOPLE se ai dhe Kristin “ishin ndarë në mënyrë private dhe miqësore disa javë para koncertit të Coldplay”.

“Vendimi i tyre për t’u divorcuar kishte nisur që para asaj mbrëmjeje,” shtoi zëdhënësja. “Tani që kërkesa për divorc është publike, Andrew shpreson se kjo të ofrojë një mbyllje të respektueshme për spekulimet dhe t’i lejojë familjes së tij privatësinë që gjithmonë e ka vlerësuar.”

“Nuk do të ketë komente të tjera publike,” tha ajo.

Andrew, 61 vjeç, është CEO i Privateer Rum. Ai ka dy fëmijë nga një martesë e mëparshme, por ai dhe Kristin nuk kanë fëmijë së bashku.

Kristin ishte shefe e burimeve njerëzore në Astronomer kur ajo dhe Andy Byron u panë në klipin viral në publikun e një koncerti të Coldplay në Massachusetts këtë verë.

Reagimi i pazakontë i çiftit: ajo u kthye shpejt me shpinë, ndërsa ai u fsheh, bëri që Chris Martin të bënte shaka se “ose ata po tradhtojnë, ose janë thjesht shumë të turpshëm.”

As Kristin dhe as Byron nuk e kanë komentuar publikisht natyrën e marrëdhënies së tyre. Sipas NBC News, ajo paraqiti kërkesën për divorc në gusht.

E gjithë kjo ngatërresë shkaktoi me qindra meme dhe tallje, duke vënë për disa ditë në qendër të vëmendjes ndërkombëtare ish-kolegët. Shumë përdorues online pretenduan se nxorën dhe shpërndanë detaje personale për të dy familjet.

Si Kristin ashtu edhe Byron më pas u larguan nga Astronomer.

VIVA FRESH E SHPALL KREEEEJT MUAJIN BLACK NOVEMBER!

Sponsoruar

-Advertisement-