Lajme

Flamuri kombëtar u hoq nga salla e Senatit, sepse “nuk ishte i hekurosur” (FOTO)

Autori: Gazeta inFokus 07:52 | 04 May 2017

Punëtorët e Rektoratit të Universitetit të Prishtinës para portës së objektit sot janë pritur me një varg prej pesë flamujsh kombëtarë e në dy cepat e vargut ishte kapur mesazhi “Mos ma prek Flamurin”. Një emblemë tregonte se këtë veprim e kishte bërë “Lëvizja për Shqipëri të Bashkuar”, shkruan sot Koha Ditore .

Këtë aksion e kishte nxitur veprimi i një zyrtareje të Rektoratit të UP-së një ditë më parë, më 2 maj. Pak para orës 11:00 kur pritej të fillonte një ligjëratë nga Lordi Alan Watson nga Richmond CBE i Anglisë, më temën “Çfarë do të thotë Brexit-i?”, në sallën e Senatit të UP-së, u hoq flamuri kombëtar shqiptar nga zyrtarja Zelfije Abdyli. Ajo hoqi flamurin, e bëri palë dhe doli jashtë nga salla me flamur në dorë. Pamjet nga ky veprim kanë rrjedhur në rrjete sociale duke ngritur edhe reagime nga shumë njerëz.

Ligjërata e Lordit Alan Watson ka qenë e organizuar nga Universiteti i Prishtinës. Prorektori për mësimdhënie dhe çështje të studentëve, Naser Sahiti, shkurt ka folur për gazetën duke dhënë arsyen se pse është hequr flamuri.

-Advertisement-

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy